Gaguritan Salya

Geguritan Salya
Wikipustaka
Aran liyanan	gaguritan·salya
Soroh	Susastra
Kawedar kapertama ring	Banjar Tegeha, Banjar, Buléléng
Basa(-basa)	Basa Bali
Juru tulis	Ida Ketut Djelantik
Lakaran	Lontar
Ukuran	cm x cm
Format	Gaguritan
Aksara	Aksara Bali
Ngranjing Koleksi ring	Gedong Kirtya
Klasifikasi Gedong Kirtya	Itihasa

Gaguritan Salya inggih punika silih tunggil kakawian tradisional Bali marupa tembang sané nyritayang indik Prabu Salya daweg ida dados senapati ring bharatayudha. Gaguritan puniki nganggén makudang-kudang pupuh minakadi pupuh sinom, pupuh durma, pupuh pangkur, miwah pupuh semarandana.

Ringkasan Carita

Kacrita Prabhu Salya dados senapati Korawa ngentosin Sang Karna sané kalah ring payuddhan. Kakawian puniki taler nyritayang Dyah Satyawati pinaka rabi Prabhu Salya sané mesatya ngiring rabin dané seda ring payuddhan. Dyah Satyawati nenten kayun pasah saking rabinne. Nika mawinan Prabhu Salya ninggal Dyah Satyawati ke payuddhan daweg Dyah Satyawati kari makolem ring pamreman. Lancingan ida sang kalih sané kantun makilit kapegatang antuk keris mangda nenten katangehang. Duaning yéning Dyah Satyawati matangi, Prabu Salya ajrih rabin dané nangis tan ngicen ida ke payuddhan. Pamuputné Prabhu Salya kasoran tanding tur seda ring payuddhan. Dyah Satyawati sané uning rabin dané sampun seda,nangis masasambatan. Gelis ida nuju ka payuddhan,ngrereh layon Prabhu Salya. Risampuné kacingak, irika ida nyuduk raga,masatya ngiring rabiné seda.

Pragina

• Prabu Salya
• Dyah Satyawati