Gaguritan rusak gianyar inggih punika silih tunggil kakawian marupa tembang sané kawangun antuk makudang-kudang pupuh. Gaguritan Rusak Gianyar nyritayang indik yudha ring wewidangan Gianyar. Anak Agung Manggis wantah prabhu utama sané ngawinang para rakyat ring Gianyar mangguh karahayuan miwah karahajengan. Ida Anak Agung Manggis kabaosang ring ajeng Gaguritan pinaka ratu utama sané widagda miwah kasungkemin oleh panjak sami. Ring pamungkah Gaguritan kabaosang Anak Agung Manggis pinaka ratu utama nyakra wertining jagat, ratu mabala bhupati, kajanapriya widagdané tan sipi.[1] Anak Agung Manggis madué parekan mawasta Madhe Pasek miwah Ketut Pasek, sakewanten makakalih maparilaksana kaon sané ngawinang yudhané mentik ring wewidangan tampak siring miwah sukawati.
