Cebur nuju daging

Geguritan Dyah Arini

Saking Wikipédia
Geguritan Dyah Arini
Aran liyanangaguritan·dyaḥharini
SorohItihasa
Basa(-basa)Basa Bali miwah Basa Kawi
LakaranDon ental
Ukurancm x cm
AksaraAksara Bali
Ngranjing Koleksi ringBalai Bahasa Bali
Klasifikasi Gedong KirtyaItihasa

Geguritan Dyah Arini (gaguritan·dyaḥharini,) silih tunggil geguritan sané nyritayang indik widyadari sané mawasta Dyah Arini sané kautus ngoda Bhagawan Trenawindu riantukan Hyang Indra jerih ring uleng tapanida. Geguritan Dyah Arini silih tunggil kakawian sané kaparik saking Kakawin Sumanasataka. Geguritan puniki kawangun antuk makudang-kudang pupuh minakadi pupuh demung 1 akehnyane 44 bait, pupuh sinom 18 bait, pupuh pangkur wénten 25 bait, pupuh gagak amanis akehnyane 16 bait miwah pupuh demung 2 akehnyane 11 bait[1].

Reringkesan Carita[uah | uah wit]

Kacrita wénten widyadari mautama sané mawasta Dyah Arini. Nenten ja wantah jegeg kemanten, Dyah Arini taler wikan miwah polos pisan. Punika mawinan, Sang Hyang Indra ngutus Dyah Arini mangda prasida ngoda tapa Bhagawan Trenawindu. Dyah Arini nenten prasida nulak napi sané sampun katitahang olih Hyang Indra yadiastun dané uning, Bhagawan Trenawindu wantah bhagawan utama sané nenten prasida katandingin. Tan kacaritayang malih, Dyah Arini sampun ring genah Bhagawan Trenawindu, Dané raris ngoda tapan ida sang bhagawan. Punika mawinan Trenawindu menggah raris mastu Sang Dyah Arini dados manusa.

Pustaka[uah | uah wit]

  1. Karmini, Ni Nyoman (2013). Perempuan dalam Geguritan Bali. Denpasar: Pustaka Larasan. p. 18. ISBN 978-979-3790-98-5.