Geguritan Dwala

Wikipustaka
Aran liyanan	gaguritan·dwala
Soroh	Susastra
Pinanggal asal	1911
Kawedar kapertama ring	Werdi Bhuwana
Basa(-basa)	Basa Kawi miwah Basa Bali
Lakaran	Lontar
Ukuran	40 miwah 40,3 cm x 35 miwah 3,4 cm
Format	Gaguritan
Aksara	Aksara Bali
Lempir	100
Ngranjing Koleksi ring	Pendem, Jembrana, Jembrana, Kapustakaan Kantor Dokuméntasi Budaya Bali miwah Kapustakaan Universitas Léiden
Klasifikasi Gedong Kirtya	Itihasa

Geguritan Dwala inggih punika silih tunggil geguritan sane madaging makudang-kudang pupuh minakadi pupuh sinom, pupuh pangkur, ginanti. Geguritan Dwala wantah geguritan sane kakawi oleh I Ketut Sangging utawi sane ketah kauningin pinaka Mpu Sampurna. Geguritan puniki nyritayang indik I Petruk sane prasida dados Raja.

Reringkesan Carita

Kacarita ring Indraprasta wenten panyeroan sane mawasta I Semar. I Smar puniki madrue pianak tetiga inggih punika I Cepot, Gareng miwah I Petruk. Makasami pianak I Smar wantah tumitisan para dewata sane ngayah ring Ida Sang Pandawa. Silih tunggilnyane I Petruk utawi I Kantong Bolong pinaka panyeroan Ida Sang Bima. Ritatkala ida Sang Bimaniu masiram ring Pancakatittha, ida miwah I petruk ical nenten kauningin ring dija. Kabaosang, ida anyud. Irika Sang Kalih anyud ring tengahing Pancakatirtha raris matemu sareng wewangunan sekadi umah sane becik pisan tur mabo ngalub. Irika I petruk kicen waranugraha marupa kwaca sane mawasta Anantakusuma. Irika raris I Petruk matapa nangun yadnya. Kasuen-suen, I petruk sampun wusan matapa raris magentos aran ipunne dados Rsi Dwala.