Gaguritan Ni Sumala inggih punika Gaguritan sané nyritayang anak istri mawasta Ni Sumala. Gaguritan Ni Sumala puniki kawangun antuk pupuh ginada. Ni Sumala wantah anak istri sané kauripanipun cacat. Ngarahina dados gagendong, kema mai ngidih piolas anak lianan. Makeh kramané nenten seneng nyingakin Ni Sumala sané geginané wanteh ngidih-idih. Riantukan ngarahina ngidih-idih para kramané brangti tur misuhipun. Punika mawinan Ni Sumala matilar saking désanipun. Ni Sumala Kaluntang-lantung ring margi raris sampun rauh ring alase. Irika Ni Sumala nyingakin pancoran raris Ni Sumala manjus irika. Sasampuné punika ipun mauwah dados anak luh jegeg. Genah Ni Sumala manjus punika wantah pancoran dewata, genah bhatara Siwa miwah Dewi Uma.[1]
