Cebur nuju daging

Gaguritan Bhima Swarga

Tambah pranala
Saking Wikipédia
Wikipustaka
Aran liyanangaguritanbhīmaswaŕgga
SorohGaguritan
Kawedar kapertama ringKubutambahan miwah Kesimpar
Basa(-basa)Basa Kawi
Juru tulisI Wayan Samba
LakaranLontar
Ukuran44, 40, 52,5 miwah 30 cm x 3,5, 3,2 miwah 3,3 cm
FormatGaguritan
AksaraAksara Bali
Lempir48, 40, 47, 37 miwah 81
Ngranjing Koleksi ringKapustakaan Kantor Dokuméntasi Budaya Bali miwah Kapustakaan Universitas Léiden
Klasifikasi Gedong KirtyaItihasa
Gaguritan Bhima Swarga 
DruénI Wayan Samba, Kubuanyar, Kubutambahan
NegaraIndonésia
BasaBasa Bali
Mahabharata
Jenis mediaLontar
Kaca48 lempir
Ukuran miwah baetLantang: 440 mm, Linggah: 35 mm
Ngawacen ring Internetpalmleaf.org/wiki/gaguritan-bhima-swargga-01
Katalog lontar Gedong Kirtya4428 / III b (1980)
3836 / VII f (1973)[1]
Katalog lontar PusdokG/III/7/DOKBUD

Gaguritan Bhima Swarga inggih punika awi-awian marupa tembang sané nyritayang indik pamargin Sang Bhima daweg ngrereh atma Sang Dewi Madri miwah Sang Pandu. Sang Bhima nglintangin margi miwah maperang tanding sareng Sang Jogor Manik miwah Sang Suratma. Ring Gaguritan puniki nganggén makudang-kudang pupuh, minakadi maskumambang, dandang gula, ginanti, miwah sané lianan. Gaguritan Puniki taler nyritayang asapunapi kahanan para atmané sané wénten ring swargan miwah neraka.[2][3][4]Geguritan Bhima Swarga wantah silih suninggil karya sastra tradisional Bali sané kawangun antuk tembang sané kabaos pupuh. Naskah geguritan puniki utamanyané sané marupa lontar kasimpan silih tunggilnyane ring perpustakaan Universitas Leiden. Gaguritan Bhima Swarga puniki nganggen 17 pupuh miwah 17 pada[5].

Reringkesan Carita

[uah | uah wit]

Geguritan puniki maosan indik pamargin Ida Sang Bhima mamahayu reraman Idané inggih punika Sang Pandu miwah Dewi Madri saking Naraka maka cihna ngelaksanayang susrusa[6]. Kacritayang, Ida Sang Bhima ngelaksanayang swadarma kairing olih Merdah dan Tualen rauh ring tegal. Saking satuané punika makeh sasuluh idup sané prasida kaplajahin, inggih punika gaguritan Bhima Swarga maosang mangda iraga ri kantuné maurip ring Marcapada wantah genah anggén ngupapira kadharman mangda ri pungkur wekas i raga nénten manggihin kasengsaran[7].  Tiosan punika, pitra rna punika wantah utang sanè kabakte kantos padem.

Ring ungkur gaguritan madaging napi mawinang para jadmané ring mercapada mapasangan lanang istri dados kurenan. Risampuné atmané kasupat olih Sang Bhima, atmané sami mamargi nglintangin tukad yamuna. Toyané ageng miwah suluk pisan. Wenten titi sakewanten malakar aji tiying duang katih. Riantukan madurgama, irika para atmané sané istri-istri makumpul nyantosang atmané lanang jagi mentas. yéning wénten atma lanang sané mentas raris nulungin atma anak istri, raris mresidayang mentas ring titine, punika mawinan sané istri kapiutangan, makurenan ri sampuné numitis ring mercapada.

Pustaka

[uah | uah wit]
  1. ↑ "Katalog Buku Salinan Lontar dengan Sistem Digital UPTD Gedong Kertya Singaraja Klasifikasi 3 (Weda) Tahun 2017" (PDF). bulelengkab.go.id. Kaaksés 29 Juli 2020.[permanent dead link]
  2. ↑ "Gaguritan Bhima Swargga 01 - Palm Leaf Wiki". palmleaf.org. Kaaksés 2020-09-06.
  3. ↑ "Gaguritan Bhima Swargga 02 - Palm Leaf Wiki". palmleaf.org. Kaaksés 2020-09-06.
  4. ↑ "Gaguritan Bhima Swargga 03 - Palm Leaf Wiki". palmleaf.org. Kaaksés 2020-09-06.
  5. ↑ Alasadi, Ramiz M. S. (2025-06-30). "Diagnostic Assessment of Leaf Spot Severity and Damaged Leaf Area in Date Palm (Phoenix Dactylifera L.) Using Leaf Doctor and Imagej Applications". Pakistan Journal of Phytopathology. 37 (1): 01–13. doi:10.33866/phytopathol.037.01.1246. ISSN 2305-0284.
  6. ↑ I Gede, Oka Surya Negara (2009-06-13). "Bima Swarga". download.isi-dps.ac.id (ring Inggris). Kaaksés 2026-02-22.[permanent dead link]
  7. ↑ "Geguritan Bhima Suarga". Blogger Bali (ring Inggris). Kaaksés 2026-02-22.
Kapolihang saking "https://ban.wikipedia.org/w/index.php?title=Gaguritan_Bhima_Swarga&oldid=274426"