Geguritan Keséhatan

Saking Wikipédia
Cebur nuju navigasi Cebur nuju parerehan
Geguritan Keséhatan
Bali-lontar-gaguritan-kesehatan-300ppi.pdf
Aran liyanangaguritankasehatan·
SorohSusastra
Pinanggal asal1990
Kawedar kapertama ringKubutambahan
Basa(-basa)Basa Kawi
Juru tulisIda Bagus Rai
Lakarandon ental
Ukuran40 cm x 3,5 cm
FormatGaguritan
AksaraAksara Bali
Lempir27
Ngranjing Koleksi ringKapustakaan Kantor Dokuméntasi Budaya Bali
Klasifikasi Gedong KirtyaItihasa

Geguritan Keséhatan inggih punika silih tunggil geguritan sané madaging indik tatacara mangdané nénten keni penyakit utawi pinakit. Geguritan Keséhatan puniki kakaryanin olih Dokter Ida Bagus Rai ring warsa 1956. Ida wantah silih tunggil pangawi miwah waged ring bidang keséhatan. Dokter Ida Bagus Rai dados jadma Bali sané kapertama dados dokter, Ida tamat saking Nederlandsch Indische Artsenschool Soerabaia (NIAS). Ida taler kadadosang réktor kapertama ring Institut Hindu Dharma.

Ring Geguritan Keséhatan punika wénten pupulan tata cara miwah utsaha antuk nyegah makudang-kudang soroh penyakit. Wénten tata cara antuk nyegah penyakit Malaria, TBC, Tipus, Diaré, miwah penyakit Diséntri. Ring geguritan punika taler wénten tata cara antuk nyaga kesehatan mangda nénten sungkan, sakadi ngadasang pekarangan jero soang-soang. Irika kabaosang nénten dados seneng nginem ineman sané toya-toya sakadi tuak miwah arak, krana prasida ngawinang raganné rusak. Geguritan punika nganggén makudang-kudang soroh pupuh sané kaanggén antuk nembangang. Ring Geguritan Keséhatan kabaosang keséhatan punika pinih utama, inggih punika "Keséhatan taler dados umpamayang, padruwén pinih luih, kesugihan né utama, langkungang ring raja brana, keakuin sareng sami, sampun kabuktiang, ri kala menandang sakit" (Geguritan Kesehatan, Pupuh Durma, 8).[1]

Pustaka[uah | uah wit]

  1. Ida Bagus, Rai (2006). Geguritan Kesehatan. Denpasar: Yayasan Dharma Sastra.