Gaguritan

Saking Wikipédia
(Kagingsirang saking Geguritan)
Cebur nuju navigasi Cebur nuju parerehan

Geguritan utawi Gaguritan (saking basa Jawa Tengahan, kruna dasar: gurit, suksmanipun "tatahan", "coretan") inggih punika kakawian utawi karangan sané kawangun saking tembang macepat. Ring Kamus Bali - Indonésia kruna geguritan mawit saking kruna gurit sané mateges gubah, karang utawi sandur. Ring kamus basa Indonésia kruna geguritan mawit saking kruna gurit sané mateges sajak utawi syair. Geguritan sané nglimbak akéhnyané nénten kauningin sapasira sané ngawi geguritanné punika utawi kawastanin anonim. Geguritan punika nénten kauningin sapasira sané ngaryanin krana ring galah geguritanné punika kakaryanin, pangawinyané nénten kayun ragannyané kasobyahang tur sang pangawi puniki ngicénin geguritan punika antuk kadruénang sareng sami. Geguritan kawacén nganggén tembang (pupuh), malianan sareng tatacara ngwacén karya sastra sané lianan. Geguritan kaiket antuk makudang-kudang uger-uger padalingsa sakadi guru wilang, guru gatra miwah guru dingdong.

Geguritan, ring suksma puniki puisi Jawa modern, ngawit ring warsa 1929 ring majalah Kejawen sané nganerbitang tigang judul geguritan.[1] Ring warsa 1930-1940, terbit pitung karya liyanan. Puisi Jawa modern suud karipta ring mula masa pendudukan Jepang miwah kakaryanin malih sesampun revolusi.[2][3]

Uger-Uger Geguritan[uah | uah wit]

  • Guru Wilang inggih punika akéh suku kruna (suku kata) sané wénten ring abaris
  • Guru Gatra inggih punika akéh baris sané wénten ring apada
  • Guru Dingdong inggih punika suara kaping untat ring abaris

Padalingsa Pupuh ring Geguritan[uah | uah wit]

Padalingsa makudang-kudang pupuh ring geguritan inggih punika:

No. Pupuh Padalingsa Cat.
1 Pupuh Pucung 4u, 8u, 6a, 8i, 4u, 8a
2 Pupuh Maskumambang 4a/u, 8i, 6a, 8i, 8a
3 Pupuh Mijil 4u, 6i, 6o, 10e, 10i, 6i, 6u
4 Pupuh Ginanti 8u, 8i, 8a, 8i, 8a, 8i
5 Pupuh Ginada 8a, 8i, 8a, 8u, 8a, 4i, 8a
6 Pupuh Semarandana 8i, 8a, 8o/e, 8a, 8a, 8u, 8a
7 Pupuh Sinom 8a, 8i, 8a, 8i, 8i, 8u,  8a, 8i,  4u, 8a  
8 Pupuh Durma 12a, 8/7i, 6a, 8/7a, 8i, 5a, 8/7i
9 Pupuh Pangkur 8a,  11i, 8u, 8a, 12u,  8a, 8i,
10 Pupuh Dangdang Gula 10i, 10a, 8e, 8u, 8i, 8a, 8u, 12a, 8i, 7a/8a

Pustaka[uah | uah wit]

  1. Ras, J.J. (1985). Bunga Rampai Sastra Jawa Mutakhir, diterjemahkan Hestri. Jakarta: Grafiti-pers.
  2. 1953-, Saputra, Karsono H., (2001). Puisi Jawa struktur dan estetika (edisi ka-Cet. 1). Jakarta: Wedatama Widya Sastra. ISBN 9799653010. OCLC 48100094.CS1 maint: extra punctuation (link) CS1 maint: numeric names: authors list (link)
  3. Suripan Sadi Hutomo. (1975). Telaah Kesusastraan Jawa Modern. Jakarta: Pusat Pengembangan Bahasa Departemen Kebudayaan Républik Indonésia