Tari Sanghyang

Sanghyang

Sanghyang saŋhyaŋ​  (Bali) Tari Sanghyang  (Indonésia)
Tarian sakral Bali Sanghyang dedari nyarengang bajang karauhin olih hyang
Aran asli	saŋhyaŋ​  (Bali) Tari Sanghyang  (Indonésia)
Genre	Tarian sakral
Instrumen	Gamelan, Suling, Kendang
Penemu	Wong Bali
Saking	Indonésia

Tiga génré tari tradisional ring Bali
Tetamian Budaya Tenbenda UNESCO
Sesolahan Legong
Negara	Indonésia
Pustaka	617
Wewidangan	Asia miwah Pasifik
Babad Inskripsi
Inskripsi	2015
Wali (Rejang, Sanghyang Dedari, Baris Upacara), Bebali (Topéng Sidhakarya/Topéng Pajegan, Gambuh, Wayang Wong), Balih-balihan (Legong Kraton, Jogéd Bumbung, Barong Két)

Tari Sanghyang
Wagian saking seri Drama tari Asia Tenggara Topografi Asia Tenggara.
Burma
Tari merak Yama Zatdaw
Kamboja
Balét Krajaan Kamboja Téatér Lawat Khmer Lakhon Mohory Lakhon Khol Lakhon pol srey Yike
Indonésia
Arja Bajidor Kahot Baksa kembang Bambangan Cakil Bangsawan Baris Barong Bedhaya Cakalele Cendrawasih Condong Didong Gambuh Gambyong Gandrung Gendang Beleq Gending Sriwijaya Hudoq Indang Jaipong Jangér Jogéd Joget Jurit ampil kridha warastra Kabasaran Kancet Papatai Kebagh Kebyar Duduk Kécak Ketoprak Komedie Stamboel Kuda Lumping Légong Lengger Lengger lanang Lénong Lilin Ludruk Makyong Melinting Merak Olég Ondél-ondél Pajoge Panyembrama Payung Péndét Piring Poco-poco Ramayana Ballet Randai Rejang Remo Réog Rodat Ronggeng Saman Sandiwara Sanghyang Sigale Gale Singo Ulung Sisingaan Srimpi Tandok Tanggai Tebe Toneel Topéng Topéng Banjar Topéng Betawi Topéng Cirebon Topeng Ireng Tor-tor Wayang Wong Yapong Zapin Zapin Api
Laos
Classical dance and theatre
Malaysia
Adai-adai Asyik Balai Bangsawan Boria Branyo Ceracap Inai Cinta Sayang Dabus Dikir Barat Dondang Sayang Inai Indang Jikey Joget Joget Gamelan Kuda Kepang Labi-labi Mak Inang Mek Mulung Mak yong Menora Ngajat Pangalay Payung Piring Rambong Randai Rodat Saba Sewang Sumazau Ulek Mayang Zapin
Filipina
Binasuan Cariñosa Itik-itik Jota Kuntaw Maglalatik Pandanggo Pangalay Sagayan Singkil Subli Tinikling
Thailand
Lakhon Khon Fon Hun krabok Lakhon Nai Lakhon Chatri Lakhon Nok Likay Manora Ma yong Mor lam Ram wong Ram Thai Rabam Kingkara
Vietnam
Nhã nhạc

Tari Sanghyang inggih punika silih tunggil sasolahan sané wénten ring Bali. Igel-igelan punika pinaka igel sané kalintang utama santukan tetujonnyané wantah anggén nulak bala utawi gering sané wénten ring krama sajebag Bali. Pinaka tetamian saking aab Pra-Hindu, tari puniki pinaka margi utama mabebaosan manusa sareng sang sané nénten prasida kacingak ring sakala. Sané nyolahang igel-igelan puniki wantah para truna truni sané mataksu kasarengin olih sang sané nembangan gita suci. Ring Sukawati-Gianyar, igelan puniki taler kairingin antuk Gamelan Palégongan. Wénten tatiga sané mabuat pisan ring Tari Sanghyang inggih punika asap/api, gending sang hyang miwah sarana pantaraning (jadma utawi boneka).

Sarwa Tari Sanghyang

Sang Hyang Dedari

Kasolahang olih anak isteri sané kantun bajang tur kabaos suci. Upakara kakawitin saking mamargi ka pura. Drika sang sané ngigel kairingin olih anak lanang sané matembang taler nyolahang igelan marupa Legong nanging kantun tenget. Yadiastun panyingakannyané jagi katutup nanging makasami pragina prasida nyolangan igel-igelan sané becik. Ritatkala tatembangan sampun puput, pragina jagi karauhan tur makecos ka tanah. Sang pemangku jagi ngujarang mantra tur ngetisang tirta mangda prasida kadi jati mula. Igelan puniki matetujon anggén nunas karahayuan taler mangda désané trepti. Sang Hyang Dedari kasolahang pinaka rupa saking Sang Hyang Widhi sané medal ka mrecapada tur ngranjing ka ragan praginané. Kruna Sanghyang mateges dewata samaliha kruna Dedari mateges widyadari.

Sanghyang Deling

Kasolahang olih apasang anak isteri truni. Sané tedun wantah Déwa Wisnu utawi Déwi Sri pinaka cihna kalanusan. Antuk sarana taru sané kagantungin kalih boneka sané kawastanin Deling kakaryanin saking don ental. Ngancan akéh gerak saking Deling punika nyihnayang praginané sampun karahuin antuk ruh sané suci. Igelan puniki mawit saking Désa Kintamani, Kabupatén Bangli.

Sanghyang Bojog

Kasolahang olih anak lanang asiki mabusana sakadi lutung. Sadurung kamargiang upakara, anak lanang punika jagi makecos ka ajeng taru saha maparilaku sakadi lutung. Igelan puniki wénten ring wewidangan Kabupatén Karangasem.

Sanghyang Jaran

Kasolahang olih anak lanang utawi pemangku adiri sané malinggih ring sarana saking pahpahan punyan nyuh sakadi jaran-jaranan. Pragina karasukin jaran pinaka wahana saking Dewata kairingin antuk tembang Gending Sanghyang sané kalaksanayang maider tur mejeman panyingakan. Igelan puniki ketahyané kasolahang ri tatkala wénten bala utawi gering ring kramané. Kasolahang ring akéh wewidangan inggihnyané Dénpasar, Badung, Gianyar miwah Bangli

Sanghyang Sampat

Kasolahang ri tatkala praginanyané karasukin ruh antuk sarana sampat. Taler wénten igelan sarupa sané nganggén tiing pinaka sarana utamannyané kawastanin Sang Hyang Bumbung.

Sanghyang Celeng

Kasolahang antuk pragina sané mabusana saking duk tur marupa sakadi bawi. Sasampun ruh ngranjing ka ragan pragina, ida jagi nyongkok tur magaang sakadi buron bawi. Igelan puniki wantah tetamian saking wewidanga Désa Duda, Kabupatén Karangasem.