Déwa Wisnu

Saking Wikipédia
Loncat ke navigasi Loncat ke pencarian
Patung Déwa Wisnu

Déwa Wisnu inggih punika déwa sané kapercayanin olih Agama Hindu pamekasnyané ring Indonésia. Ring Bali, Ida ngranjing ring Tri Murti, pinaka tetiga Déwa sané motama. Ida mabiséka Stiti (ngupapira) sané madrué tetujon nyaga jagaté puniki. Manut ring filsafat Hindu Waisnawa, Ida ketah kauningin pinaka roh sané pinih suci tur pinaka pucuking sakancan Déwa ring jagaté puniki.

Manut ring kitab Purana, Déwa Wisnu sering nyrewadi ka jagaté jagi nylametang jagat saking pralaya, ketah kauningin panyrewadian . Déwa Wisnu ring jagaté kabaos Awatara, minakadi Rama awatara, Sri Kresna awatara, Buddha awatara, miwah sané lianan. Déwa Wisnu langsung medal ka jagaté jagi nylametang jagat, ngupapira gumi miwah budayannyané, ngicalang sakancan adharma, taler nyobiahang dharma ring jagaté puniki. Rikala Déwa Wisnu nyrewadi, Dewi Laksmi pastika nyarengin Ida nyrewadi ring jagaté. Déwi Laksmi nénten lian pinaka saktin Ida utawi istri Déwa Wisnu.

Déwa Wisnu taler silih tunggil Déwa sané rumasuk ring Dewata Nawa Sangha. Ida masthana ring Utara tur madrué urip 4. Ida Déwa Wisnu masanjata antuk Cakra Sudarsana.[1]

Pustaka[uah | uah wit]