Lengger
Lengger taler kabaos ronggeng inggih punika kesenian asli saking Banyumas marupa tari tradisional sane kasolahang olih kalih kantos patpat anak lanang sarupa anak istri sane kapayasin antuk pangangge sane khas. Kesenian Lengger Banyumas puniki kairingin antuk musik calung, gamelan sane kakaryanin antuk tiing. Wastan sasolahan puniki wenten ring novel trilogi Ronggeng Dukuh Paruk olih sastrawan Ahmad Tohari.
Lengger wit saking kruna eling ngger. [1] Wenten taler sane maosang 'lengger' maasrtos 'le' saking 'thole' utawi anak lanang miwah 'ngger' utawi anak istri. Ring Banyumas kruna 'lengger' sering manados istilah umum dadosnyane anake sering maosang: 'lengger lanang' miwah 'lengger wadhon'. Istilah punika dados salah kaprah.[2]
Kesenian lengger Banyumas puniki kairing antuk musik gamelan tradisional sane kabaos calung. Alat musik utama gamelan calung kakaryanin saking tiing wulung, kenong, gambang, gong, kedang, miwah makudang-kudang alat musik tradisional sane tiosan. Sinden sane polih amongan pinaka penyanyi nembangang lagu sane merdu saking sisi genah gamelan. Mangkin lengger Banyumasan sampun arang kapanggihin.
Tari topeng lengger kabaktayang olih kalih pragina, lanang miwah istri, sane lanang nganggen topeng miwah sane istri nganggen busana tradisional . Tarian puniki kasolahang kirang langkug 10 menit nyabran babak. Kairingin antuk musik gambang, saron, kendang, gong, miwah sane tiosan.[1] Pragina istri kapayasin minakadi putri keraton Jawa jaman dumun antuk nganggen kamen miwah senteng. Pragina lanang tampil nganggen topeng. [3]
Tari topeng lengger taler kabaos tayub topeng. Tarian lengger puniki turunan saking tari tayub, sane nglimbak miwah amiug ring Jawa. Sakewanten wenten pabinayan ring tari topeng lengger miwah tari tayub. Tari tayub patut kasolahang olih anak istri sane kantun muda sakewanten lengger dados kasolahang olih anak istri utawi anak lanang.
- ↑ 1,0 1,1 "Wonderful Indonesia - Tari Lengger Topeng: Menikmati Kesenian Tradisonal di Dataran Tinggi Dieng". web.archive.org. 2014-03-10. Kaarsipin saking versi asli tanggal 2014-03-10. Kaaksés 2023-03-01.
- ↑ Mertadiwangsa, S. Adisarwono (2013). Banjarnegara, Sejarah dan Babadnya, Objek Wisata dan Budaya. Banjarnegara: Pemerintah Daerah banjarnegara. p. 362. ISBN 978-602-991-8-32-8.
- ↑ "- JOGJATRIP". web.archive.org. 2016-03-04. Kaarsipin saking versi asli tanggal 2016-03-04. Kaaksés 2023-03-01.