Tari Wirayuda
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Tari Wirayuda inggih punika silih tunggil sesolahan sané wénten ring Bali. Tari puniki kakaryanin olih I Wayan Dibia duk warsa 1979. Wastan tari puniki mawit saking kalih kruna makadi "Wira" sané madué arti pahlawan miwah "Yuda" sané madué arti puputan/perang. Nika mawinan tari puniki nyolahang prajurit Bali Dwipa sané jagi perang. Tari Wirayuda wantah tari apasangan sané kasolahang kalih ngantos petang pragina.[1] Struktur tari Wirayudha kakepah dados pepeson, pengawak (pengadeng), pesiat miwah pekaad. Tari Wirayudha nganggén gamelan Gong Kebyar dados gending pangiring.[2]
Tari Wirayuda sané kaproduksi ring Sanggar Tari Bali Waturenggong puniki marupa wewehan saking soroh Tari Baris Gedé (Tari Baris Upacara), makadi Tari Baris Tumbak utawi Tari Baris Katekok Jago. Nika mawinan ri tatkala masolah, pragina Tari Wirayuda makta tombak.[2]
Tari Wirayuda nganggén baju sané mabinayan sareng tari Bali sané lianan. Baju sané kaanggén ri kala nyolahang tari Wirayuda inggih punika:[3]
- Kamen
- Sabuk prada
- Baju rompi
- Badong gleter
- Ampok-ampok
- Gelang kana kain
- Udeng
- Bunga imitasi merah putih ring karna
- Properti sané marupa tombak.
- ↑ "Tari Wirayuda Bali » Budaya Indonésia". budaya-Indonésia.org. Kaaksés 2021-11-20.
- ↑ 2,0 2,1 Diana Putra, I Wayan (2019). "Gending Tari Wirayudha "Sebuah Gending Pendidikan Karawitan Dasar"". eproceeding.isi-dps.ac.id.
- ↑ Kulo, oleh Blog (2019-02-22). "Tari Wirayuda, Bali - Ketika Para Prajurit Bali Dwipa Siap Untuk Berperang". Blog Kulo (ring Indonesia). Kaarsipin saking versi asli tanggal 2021-11-20. Kaaksés 2021-11-20.
