I Wayan Dibia
| Embas | 12 April 1948[1] Singapadu, Sukawati, Gianyar, Bali |
|---|---|
| Mabangsa | Indonésia |
| Kauningin | koréografer tari Bali |
I Wayan Dibia (embas ring Singapadu, 12 April 1948) silih tunggil seniman tari miwah guru ageng, ring widang koréograpi saking STSI Dénpasar warsa 1999. Ida kapertama malajah masolah saking aji nyané ring yusa solas, dados pragina ida ketah nyarengin pentas ring jero miwah dura negara.[1]
Saking makéh pakaryan ida, wentén sané kasub miwah ketah kasolahang ring parakrama sekadi Tari Cilinaya, Tari Manuk Rawa, Tari Puspawresti miwah Tari Wirayuda.[2]
Saking warsa 1999, dane dados guru besar profesor koreografi ring ISI Denpasar. Dane taler kasub antuk pakaryannyan ring seni tari kecak, sakadi Kecak Subali lan Sugriwa (1976), Kecak Dewa Ruci (1982). Dane sareng Keith Terry makarya "The famous Body Tjak" (1990). Dane kasub ring jagat internasional pinaka seniman tari. Ring widang tari, dan ngripta Tari Manuk Rawa sareng I Wayan Beratha warsa 1981, Tari Puspa Wresti, Tari Wirauda, miwah san lianan. Ida ngamolihang penghargaan seni Padma Shri Award 2021 saking Pemerintah India antuk dedikasinyane sajeroning ngiket karya seni pantaraning budaya Bali miwah India. Ring warsa 1969, dan kapertama tampil ring India antuk igelan Hanoman.
Ida tasih ngaryanin makudang-kudang karya seni tari, dan taler nyurat makudang-kudang cakepan, minakadi Dramatari Gambuh miwah Tari-Tarian sane sampun punah ring makudang-kudang wawidangan Bali 1979, Kecak, the Vocal Chant of Bali (2000), Balinese Dance, Drama, and Music: a Guide to the Performing Arts of Bali (2012), Tari Komunal (2015), Kecak: Dari Ritual ke Teatrikal (2017), Arja Anyar (2017), Tari Barong Ket: Dari Kebangkitan Menuju Kesuksesan (2018). Ring warsa 2021, dane ngamedalang limang cakepan puisi sane mamurda Puitika Tari. Dane taler nyurat buku puisi mabasa Bali, silih tunggilnyane sane mamurda Kali Sengara. Dane taler nyurat novel indik penari san mamurda Bintang Panggung 2023.[3]
Warsa 2022, dane ngamolihang penghargaan Bali Jani Nugraha saking Gubernur Bali. Buku puisi mabasa Balinyane Kali Sengara ngamolihang penghargaan Sastra Rancage saking Yayasan Kebudayaan Rancage 2023.
- ↑ 1,0 1,1 "I Wayan Dibia – M2Indonésia". m2Indonésia.com. Kaaksés 2022-01-31.[permanent dead link]
- ↑ "30++ Jenis Tari Bali - Kesenian Tari Tradisional Pulau Dewata, Gambar & Penjelasan". RimbaKita.com (ring Indonesia). 2021-10-05. Kaaksés 2022-01-31.[permanent dead link]
- ↑ "Prof. Dr. I Wayan Dibia – BWCF" (ring Indonesia). Kaaksés 2025-07-30.