Lénong
Lenong inggih punika kesenian teater tradisional utawi sandiwara krama Betawi sane kabaktayang nganggen dialek Betawi sane wit saking Jakarta, Indonesia. [1] Kesenian tradisional puniki kairingin musik gambang kromong antuk alat musik minakadi gambang, kromong, gong, kendang, kempur, suling, miwah kecrek, taler alat musik Tionghoa minakadi tehyan, kongahyan, miwah sukong. Basa sane kanggen sajeroning Lenong inggih punika basa Melayu utawi mangkin sampun nganggen basa Indonesia dialek Betawi.
Wenten kalih soroh lenong inggih punika lenong denes miwah lenong preman.[2] Sajeroning lenong denes wit saking kruna denes ring dialek Betawi maartos 'dinas' utawi 'resmi', aktos miwah aktrisnyane nganggen busana formal miwah ceritannyane nganggen genah keraton utawi wawidangan kaum bangsawan, sakeanten ring lenong preman nganggen busana nganutin sutradara miwah ketahnyane nyritayang indik kahuripan sarahina. Tiosan punika, makakalih soroh lenong puniki mabinayan ring basa sane kanggen, Lenong Denes ketah nganggen basa sane alus utawi basa Melayu tinggi, sakewanten lenon preman nganggen basa babaosan sarahina.
Carita sane kalakonang sajeroning lenong preman minakadi carita rakyat sane sengsara antuk pajak miwah wenten pendekar sane prabela ring karama miwah nglawan tuan tanah sane jaat punika. Imba lenong denes inggih punika kisah-kisah 1001 malam.
Ring panglimbaknyane, lenong preman lebih kaloktah miwah nglimbak saking lenong denes.
- ↑ "Lenong mo dibawe ke mane?". web.archive.org. 2006-04-12. Kaarsipin saking versi asli tanggal 2006-04-12. Kaaksés 2023-02-28.
- ↑ "Seni Tari, Musik, dan Teater". web.archive.org. 2002-07-13. Kaarsipin saking versi asli tanggal 2002-07-13. Kaaksés 2023-02-28.