Subak

Saking Wikipédia
Loncat ke navigasi Loncat ke pencarian
Uma ring Jatiluwih, Tabanan, Bali.

Subak inggih punika tata cara ngedum toya (sistem pengairan) sajeroning uma ring Bali, Indonesia sané madasar antuk Tri hita Karana. Subak pinaka sistem irigasi krama Bali metu saking polah-palih budaya miwah Agama Hindu, punika awinan subak sujatinyané mawiwit saking ajah-ajahan agama Hindu.[1]

Swagina subak sané utama inggih punika ngedum toya ring uma. Ring sajeroning nglaksanayang swadharma inucap, wénten makudang-kudang parikrama krama subak, sakadi: nabdabin kawéntenan tukad, telabahan lan jelinjingan, ngatur galah lan tata cara pangeduman toya, ngatur paduman memadi utawi maabian jukut, miwah nglaksanayang parikrama upacara. Parikrama subak madasar antuk hukum adat utawi awig-awig inggih punika hukum sané tumbuh tur nglimbak ring kahuripan krama Bali utaminyané krama Hindu.

Lelintihan[uah | uah wit]

Kawéntenan subak ring Bali prasida kawacen ring makudang-kudang Prasasti, Minakadi Prasasti Sukawana, Prasasti Trunyan, Prasasti Raja Purana dan Prasasti Bebetin. Ring Prasasti Trunyan kabaosang ring warsa 881 masehi sampun kauningang parinama makaraser sané maarti pekaséh utawi anak sané mangurusang pahpahan toya ring carik. Ring warsa 882 masehi kasurat ring prasati Sukawana indik parinama huma (uma), perlak (tegalan) lan undagi pengarung[2]. Parinama subak sujatinyané mawit saking kruna "kasuwakan‟, indike puniki kabaosang ring daging prasasti pandak badung warsa 1071 masehi.[1]

Wangunan Irigasi[uah | uah wit]

jaringan irigasi subak madué sekancan wangunan toya minakadi:

  1. Empelan (bangunan pengambilan utama utawi freeintake) kajangkepin langki utawi tanjerig (pembatas aliran banjir).
  2. Telabah sané kajangkepin antuk wangunan pajangkep minakadi abangan (talang), telepus (siphon), petaku (terjunan), pekiyuh (peluap samping)
  3. Aungan (terowongan) sané kajangkepin antuk song udara lan song kontrol, yening song punika kagenahin bah (datar) kawastanin calung yening majujuk kawastanin bindu.
  4. Tembuku sané kaangen mahpah toya, wénten soroh tembuku minakadi tembuku aya (wangunan bagi utama), tembuku pemaron (wangunan bagi), tembuku daanan (wangunan sadap), tembuku pengalapan (wangunan pemagi ring uma).
  5. Wangunan irigasi saking tembuku pemaron kawastanin telabah pemaron (saluran sekunder), lan saluran irigasi saking tembuku daanan (bangunan sadap) ke uma kawastanin telabah daanan (saluran tersier).
  6. Telabah pengutangan (saluran pembuangan) inggih punika saluran irigasi sané kaangen ngutang toya sané lebih saking uma kaalirang mawali ka pangkung.

Museum[uah | uah wit]

Museum Subak kaadegang duk warsa 1981 ring Kabupaten Tabanan.

Galeri[uah | uah wit]


Pustaka[uah | uah wit]

  1. 1,0 1,1 Sirtha, Nyoman (2008). Subak: Konsep Pertanian Religius Perspektif Hukum, Budaya dan Agama Hindu. Surabaya: Paramita. p. 1.
  2. Purwita, Ida Bagus Putu. 1997. “KajianSejarah Subak di Bali”. Dalam Pitana (Ed). Subak Sistem Irigasi Tradisional di BaliSebuah Canangsari. (hlm. 33-48). Denpasar:Upada Sastra.