Goa Gajah
 | Suratan puniki kantun akéh nyaratang cutetan batis anggén pamastikanyané. (Juli 2020) (Learn how and when to remove this template message) |
 | |
|---|---|
 Goa Gajah | |
 | |
| Inpormasi umum | |
| Tipe | Pura |
| Pakem Undagi | Bali |
| Genah | désa Bedulu, Kecamatan Blahbatuh, Kabupatén Gianyar, Bali |
| Margi | désa Bedulu, Blahbatuh, Gianyar, Bali |
| Koordinat | 8°31′24″S 115°17′12″E / 8.523196°S 115.286613°E |
| Pinanggal inagurasi | 19 Oktober 1995 (UNESCO heritage site) |
Goa Gajah inggih punika goa sané kakaryanin ri tatkala jaman purbakala, tur kaanggén dados genah ibadah. Goa puniki magenah ring désa Bedulu, Kecamatan Blahbatuh, Kabupatén Gianyar, Bali. Dohnyané kirang langkung 27 kilométer saking Dénpasar. Ring tanggal 19 Oktober 1995, goa puniki kacatet olih UNESCO dados warisan utawi tetamian jagat ring bidang kabudayaan.[1]
Wastan Goa Gajah mawit saking wasta "Lwa Gajah" sané pinih kapertama kasengguh ring kria sastra Kakawin Nagarakretagama sané kasusun olih Mpu Prapanca (1365 M). Wasta punika kasurat ring pupuh 14/3, sané nlatarang indik wawengkon ring kangin Jawa, sané ngakuin kakuasaan saking Majapahit.[2] Lwa utawi Lwah (Loh) artosnyané tukad, nika mawinan lWa Gajah madué artos tukad gajah. Tukad sané magenah ring arep candi punika mawasta Tukad Petanu. Wasta Goa Gajah taler mawit saking pahan prarai raksasa sané wénten ring ajeng cangkem goa, sané kabaosang masaih sareng prarai gajah. Wénten taler sané maosang wasta punika kapolihang krana wénten arca Ganesha, déwa maprabhu gajah, ring silih tunggil ceruk ring tengahing goa punika.
Kawéntenan Goa Gajah sané pinih kapertama, kauningin olih pejabat Hindia Belanda sané mawasta LC. Heyting, ring warsa 1923. Ring warsa 1925 Dr. WF. Stutterheim nglaksanayang panyelehan ring goa puniki. Dinas Purbakala RI sané kapimpin olih J.L Krijgman , nglaksanayang panyelehan tur pénggalian ring warsa 1954 ngantos warsa 1979, ring galah punika katemuang 6 togog anak istri utawi widyadari miwah pancoran yéh sané ring galahé puniki kaprecaya prasida ngicénin kasucian majeng ring anak sané rauh. Ring warsa 1931, Mr. Conrat Spies ngamolihang tetamian sané marupa stupa macabang tiga sané kapahat ring témbok batu sané sampun uug ring dasar Tukad Pangkung.
Mawit saking warsa 1950 sasampun Badan Purbakala Républik Indonésia ngadegang kantor séksi wangunan cabang Bali sané magenah ring Gianyar tur kapimpin olih J.C. Krijgsman, panyelehan ring goa punika malih kaperhatiang. Nika mawinan ring sawatara warsa 1951 utawi 1952 kalaksanayang pénggalian ring palataran arep cangkem goa. Saking pénggalian punika kapolihang fondasi kuno sané mawentuk marepat. Ring warsa punika taler kapolihang retakan ring ajeng goa krana akah saking punyan kamboja sané mentik ring ajeng tebing nampek sareng cangkem goa. Ritatkala kabersihang kapolihang kalih pahan batu, sané kapertama punika pahan saking ajeng prabhun raksasa ring ajeng goa, sané kaping kalih pahan saking ukiran ring témbok goa. Wénten taler pedang sané kakaryanin saking batu padas,pahan saking arca raksasa ring arep goa.
Kompléks saking Goa Gajah kapah dados kalih pahan sané utama, ring kaja punika tetamian saking ajahan Siwa, sané kawuktiang saking kawéntenan Trilingga miwah togog Ganesha ring tengahing goa, tur kaanggén genah sembahyang. Kompléks ring kauh Goa Gajah punika wawengkon Tukad Pangkung, sané marupa reruntuhan Buddha mawentuk pajeng sané kasusun 13 miwah stupa macabang tiga sané kapahat ring batu sané ageng.
Situs Goa Gajah kadadosang genah suci tur pusat saking kegiatan agama Hindu miwah Buddha ring masa pamerintahan Dinasti Warmadéwa ring abad ka X-XIV maséhi (400 warsa). Status situs Goa Gajah ring galahé puniki kadadosang genah nglaksanayang kegiatan agama utawi pura tur para kramané ngamaosang dados Pura Goa.
-
Goa Gajah -
Kori ring area Goa Gajah -
Goa Gajah, arep -
Kori ring Goa Gajah -
Pancuran ring Goa Gajah -
Pancuran saking muka -
Pancuran, ring masa rekonstruksi 1954 -
Pancuran, sesampun rekonstruksi 1971 -
Tigang bidadari miwah bidadara ring sisin kolam pancuran, 2014 -
Arca Ganesha -
Arca raksasa ring arep Goa Gajah
.JPG)
- ↑ Ardianto, Randy (2017-05-13). "Pemanfaatan Model WRF-ARW Untuk Analisis Fenomena Atmosfer Borneo Vortex (Studi Kasus Tanggal 28 Desember 2014)". POSITRON. 7 (1): 01. doi:10.26418/positron.v7i1.19349. ISSN 2549-936X.
- ↑ Jalil, Abdul (2016-06-08). "Dakwah MMI (Mengurai Kekerasan Sosial pada Diskusi di LKiS Yogyakarta)". al-Balagh : Jurnal Dakwah dan Komunikasi. 1 (1): 1. doi:10.22515/balagh.v1i1.44. ISSN 2527-5682.
- Elephant Cave - UNESCO World Heritage Centre Accessed 2009-03-06.
- Pringle, Robert (2004). Bali: Indonésia's Hindu Realm; A short history of. Short History of Asia Series. Allen & Unwin. ISBN 1-86508-863-3.
- Davison, J.; Nengah Enu; Bruce Granquist; Luca Invernizzi Tettoni (2003). Introduction to Balinese Architecture. Tuttle Publishing. ISBN 0-7946-0071-9.
Central Bali Paraharah malancaran saking Wikilancaran
 |
Wikimédia Commons madué média indik Goa Gajah. |
- Suratan sané tasih ngidih pustaka liyanan from Juli 2020
- Articles with invalid date parameter in template
- Makejang suratan sané tasih ngidih pustaka liyanan
- Infobox mapframe sane nenten madue OSM relation ID ring Wikidata
- Koordinat ring Wikidata
- Commons category link is on Wikidata
- Pura ring Gianyar
- Kaca antuk peta