Temuku

Saking Wikipédia
Temuku Aya

Temuku (utawi Tembuku) inggih punika silih tunggil genah pamaruhan toya ring carik. Pamaruhan toya puniki ketahnyané kaanggén ring carik. Wilangan ring pah-pahan toyané punika kabaos ketekan, minakadi siki ketek, kalih ketek miwah selanturnyané. Pamaruhan toyané puniki kaanggén olih sekaa subak, sané genahnyané ring telabah.

Temuku marupa tanggul alit sané kakaryanin ring saluran utama sané mawiguna antuk ngepah toya ka wentuk sané pinih alit sané ketah kawastanin penasan. Saking penasan puniki malih kakaryanin tanggul alit malakar aji kayu antuk ngepah toya sané pacang dialiri ka carik. Tegeh miwah jimbarné temuku penasan nganutin pararem krama sané sampun kasangkepang. Pangepahan toya ka penasan mawit saking 8 ngantos 8 kecoran. [1]

Soroh Temuku[uah | uah wit]

Temuku madué makudang soroh, sakadi :

  • Temuku aya : pangepahan toya ring hulu
  • Temuku Gede : sikutan bagian toya antuk wewidangan subak
  • Temuku penasan : sikutan bagian toya sané langsung ka petak carik sané akéh petani carik 10 bagian
  • Temuku penyahcah : pangepahan toya antuk perorangan ring dija toya sané kaatur punika mawit aungan (terowongan), empelan (empangan), telabah (selokan/parit)[2]

Pustaka[uah | uah wit]

  1. "| Desaabiansemal Badung". desaabiansemal.badungkab.go.id (ring Indonesia). Kaaksés 2024-01-10.
  2. "SISTEM SUBAK DI BALI". SAKEUDIK. Kaaksés 2024-01-10.

Pranala jaba[uah | uah wit]