Tanah Lot

Saking Wikipédia
Loncat ke navigasi Loncat ke pencarian
Pura Tanah Lot

Tanah Lot inggih punika genah sané kadadosang objék wisata sané kasub ring Bali. Tanah Lot magenah ring Beraban, Kediri, Tabanan, sawatara 13 kilométer saking kota Tabanan. Ring Tanah Lot punika wénten kalih pura sané magenah ring duur batu sané ageng. Pura sané kaping siki magenah ring duur batuné, tur pura sané kaping kalih magenah ring pasisi tebing sakadi Pura Uluwatu. Pura Tanah Lot puniki marupa pahpahan saking Pura Dang Kahyangan. Pura puniki inggih punika pura pasih sané kadadosang genah sembahyang antuk memuja déwa-déwa sané nyaga pasihé. Tanah Lota kasub dados genah sané becik antuk nyingakin matahari terbenam. Wénten sejarah sané maosang indik Pura Tanah Lot, kacritayang ring aab 15 Bhagawan Dang Hyang Nirartha taler kabaos Dang Hyang Dwijéndra nyebarang agama Hindu saking Pulo Jawa ka Pulo Bali. Raja sané mamerintah ring galahé punika mawasta Dalem Waturenggong, ida seneng krana Dang Hyang Nirartha rauh ka pulo Bali lan nyebarang agama Hinduné. Nika mawinan Dang Hyang Nirartha mrasidayang nyebarang Agama Hindune kantos ka désa-désa sané doh. Saking sejarah Tanah Lota kacritayang Dang Hyang Nirartha nyingakin wénten sinar suci ring kelod pasih Baliné, selanturnyané Ida ngalihin genah sinaré punika, lantas Ida neked ring pasih di désa Beraban, Tabanan. Ring galahé punika Ida ngalaksanayang tapa bratha, Ida ngisidang batu genah Idane matapa ka tengah pasihé. Batu karang punika kawastanin Tanah Lot, sané maarti batu karang sané magenah ring tengah pasihé.

Suratan[uah | uah wit]