Pura Pusering Jagat

Saking Wikipédia
Pura Pusering Jagat
Inpormasi umum
TipePura
Pakem UndagiBali
GenahPéjéng, Tampaksiring
KotaKabupatén Gianyar, Bali
NegaraIndonésia
Pura Pusering Jagat
Situs Tetamian Jagat UNESCO

Pura Pusering Jagat silih tunggil Pura Kayangan Jagat ring indik Pangider Bhuwana utawi Padma Bhuwana, sané magenah ring Désa Péjéng, Kecamatan Tampaksiring, Kabupatén Gianyar, Bali. Pusering Jagat artos ipun Pusat Jagat utawi Pusat Semesta.

Temuan[uah | uah wit]

Temuan kasub ring genah punika bejana maparinama "Bejana Pejeng" sané makalar saking watu marupa tabung miwah mawiguna antuk genah tirta. Sekadi makéhan piranti ring Hindu liyanan, ring sisi bejana punika wénten ukiran sané ngambarang carita Samudramanthana, sané nyaritayang indik para Dewa miwah Asura sané ngaduk segara susu (Ksirarnawa) antuk ngerereg tirta amerta. Ring Bali kloktah antuk parinama Naragiri. Kaukir wana bet sané kaiterin segara. Wenten 8 naga sané ngalilit bejana nganggén ikuh miwah sirah sané saling matemu miwah nganggén mahkota tur prabha ring sirah nyane. Naga punika kategen olih kutus Dewa miwah petang Dewa liyanan kagambarang malinggih ring duur naga. Salanturne wénten Kinnara/kinnari utawi apsara sané makeber ngindang ngitering relief gunung miwah tetaruan. Relief ring sor marupa gambar bendéga sané ngarereh ulam tur makta asilnyane liyanan asiki bendega liyanan majujuk ring jukung sané kakedeng olih para ulam.[1]

Pustaka[uah | uah wit]

  1. Sedyawati, Edi, 1938-. Candi Indonésia. Latief, Feri,, Indonésia. Direktorat Pelestarian Cagar Budaya dan Permuseuman, (édisi ka-Cetakan pertama). [Jakarta]. ISBN 978-602-17669-3-4. OCLC 886882212.CS1 maint: extra punctuation (link) CS1 maint: multiple names: authors list (link)