Pura Samuan Tiga

Saking Wikipédia
Pura Samuan Tiga
purasamuwantiga
Pura Samuan Tiga (2022) img 07.jpg
Inpormasi umum
TipePura
Pakem UndagiBali
GenahDésa Bedulu, Kecamatan Blahbatuh, Gianyar, Bali
MargiBedulu, Blahbatuh, Gianyar, Bali 80861
Koordinat8°31′26″S 115°17′42″E / 8.5238°S 115.29501°E / -8.5238; 115.29501Koordinat: 8°31′26″S 115°17′42″E / 8.5238°S 115.29501°E / -8.5238; 115.29501
Estimasi puputAbad ka-10

Pura Samuan Tiga utawi Pura Samuantiga (aksara Bali: purasamuwantiga) inggih punika pura sané magenah ring Bedulu, Blahbatuh, Gianyar, nampek sareng situs Goa Gajah. Mawit saking prasasti Manukaya sané merangka warsa 962 maséhi, kanikayang Pura Samuan Tiga kewangun ring aab sané pateh sareng Pura Tirta Empul punika sawatara abad ka-10. Pura puniki dados genah pesamuan sajebag sekté sané wénten ring Bali, ring pesamuan puniki china ngasilang konsep Khayangan Tiga taler Désa Pakraman sané mangkin wénten ring Hindu Bali. [1] Ring pura puniki wénten tradisi Siat Sampian sané kalaksanayang ring Purnama Jiyestha.[2]

Genah[uah | uah wit]

Pura puniki magenah ring kalér kangin Désa Bedulu, sawatara 400 méter saking kangin Pura Goa Gajah. Doh nyané saking Kota Dénpasar kirang langkung 25 km, taler saking kota Gianyar utawi Ubud nénten luwih saking 5 km. Ring sisi kauh pura wénten lapangan sané sadurungné kedadosang kolam kuna, bukti ipun katemu batu sané ketumpuk lantang nyané ngantos ring karang paumahan nampek pura irika. Ring sisi kangin pura wénten tukad alit sané kearananin olih krama irika Tukad Jurang, punika campuhan saking toya Tukad Pande taler Tukad Tegending.[3]

Struktur[uah | uah wit]

Pura Samuantiga marep kelod kadiri antuk pitu mandala kasusunun munggah saking jaba ngantos jeroan:[3]

  • Mandala Jaba
  • Mandala Penataran Agung
  • Mandala Duur Delod
  • Mandala Beten Kangin
  • Mandala Batan Manggis
  • Mandala Samenggen
  • Mandala Jeroan

Pura Samuantiga kekait antuk pura-pura tiosan ring nampek irika, Pura Samuantiga dados Pura Lawa/Dikpala pura-pura punika minakadi:[3]

  1. Pura Bukit magenah ring sisi kangin
  2. Pura Celanggu magenah ring sisi kelod
  3. Pura Batan Jeruk/ Margibuung magenah ring sisi kauh
  4. Pura Santrian magenah ring sisi kalér
  5. Pura Pasar Agung miwah Melanting magenah ring sisi kangin
  6. Pura Dalem Puri magenah ring sisi kangin
  7. Pura Geduh magenah ring sisi kangin
  8. Tegal Penangsaran magenah ring sisi kangin

Pustaka[uah | uah wit]

  1. Sejarah Singkat Pura (ring Indonesia), babadbali.com, kaaksés 9 Agustus 2019
  2. Tradisi Siat Sampian di Bedulu (ring Indonesia), Punapi Bali, kaaksés 9 Agustus 2020
  3. 3,0 3,1 3,2 Pura Samuan Tiga, babadbali.com, kaaksés 9 Agustus 2020