Nirartha

Saking Wikipédia
(Kagingsirang saking Danghyang Nirartha)
Loncat ke navigasi Loncat ke pencarian
Padmasana

Danghyang Nirartha utawi Pedanda Shakti Wawu Rauh utawi Danghyang Dwijendra inggih punika tokoh agamawi Saiwa ring Bali miwah pamargi Hindu ring abad ka-16. Ida ngadegang ajahan Saiwa miwah pasametonan padanda Saiwa ring Bali.[1]

Masa anom[uah | uah wit]

Nirartha rauh ring Bali ring warsa 1537 mangda ngwarah Raja Gélgél Dalem Baturenggong. Ida ninggal kraton Blambangan sareng pamasetonannyané mawinan silih tunggil rabinnyané Raja Blambangan kasemaran sareng ida. Manut satua, Nirartha mamargi ka Bali nglinggihin labu. Punika dados mawinan para Brahmin ring Bali nénten dados ngajeng labu.[2]

Sasampun rauh ka Bali[uah | uah wit]

Sasampun ida rauh ka Bali, ida rauh ka puri Dalem Baturenggong. Sadaweg warsa-warsa sadurung rauhné, Bali kena sangkaon akéh. Nirartha ngaturang silih tunggil rambutné ring Raja miwah ngendikaang yén rambuté punika jagi nylametang Bali saking sangkaon.[2] Rambuté kagenahang ring silih tunggil pura ring Bali raris dados genah ziarah anggé panganut Saiwa sami.

Arsitéktur[uah | uah wit]

Nirartha kasengguh pinaka jadma sané makarya arsitéktur padmasana ring pura-pura Hindu Bali.[3] Pura-pura puniki kasengguh pinaka panumadian déwa Siwa sané Agung.[4] Sadaweg ida malancaran ring Bali, padmasana akéh pisan kawangun ring pura-pura pasisi.[5] Nirartha taler makarya sistem kahyangan tiga ring désa-désa Bali. Ring kalér désa wénten puran Brahma, ring tengah puran Wisnu miwah ring kelod wénten puran Siwa. Sistemé punika kaanggén antuk makukuhin pamineh Trimurti.

Karya agamawi[uah | uah wit]

Nirartha munggahang pamineh moksha ring Indonésia. Ida ngadegang pasametonan pedanda Saiwa miwah kantun kasengguh pinaka leluhur sami pedanda Saiwa.

Pustaka[uah | uah wit]

  1. Pringle,Robert. (2004) A Short History of Bali: Indonesia's Hindu Realm. Crows Nest, NSW: Allan & Unwin ISBN 1-86508-863-3
  2. 2,0 2,1 "Of Temples and Dragons". Bali Plus.
  3. "Kotamadya Denpasar". bali-paradise.com.
  4. Bali and Lombok, p.46-47, 2001, Dorling Kindersley Limited, London ISBN 978-0-7566-2878-9
  5. Sekelumit Sejarah dan Cara Sembahyang, Bali Post 8 Juli 2007