Kakawin Kresnayana
| Kresnayana | |
|---|---|
| Bali | |
| Aran liyanan | कृष्णायण |
| Soroh | Kakawin |
| Pinanggal asal | 1104 |
| Kawedar kapertama ring | Bali |
| Basa(-basa) | Jawa Kuno |
| Juru tulis | Mpu Triguna |
| Pangawi | Mpu Triguna |
| Ukuran | cm x cm |
| Format | Kakawin |
| Aksara | aksara Jawa |
| Daging | Epos Mahabharata |
| Klasifikasi Gedong Kirtya | Itihasa |
Kakawin Kresnâyana inggih punika kakawin sane nyaritayang indik pamargin pawiwahan Kresna sareng Rukmini.
Kresnâyana (Sanskerta: कृष्णायण kṛṣṇâyaṇa) madue arti harafiah pamargin Kresna, inggih punika pamargin dane ring Kundina, genah dane Dewi Rukmini.
Dewi Rukmini, putri prabu Bismaka ring Kundina, sampun kajodohang sareng Suniti, raja saking Cedi. Sakewala biangne Rukmini, Dewi Pretukirti senengan yening okane nganten sareng Kresna. Nuju acara pawiwahan, Suniti miwah uwane, Jarasanda, sinarengan ngrauhin Kundina. Pretukirti miwah Rukmini saking silib ngorahin Kresna mangda gelis rauh. Selanturnyane Dewi Rukmini lan Kresna matilar sareg-sareng saking Kundina.
Dane sang kalih kauber olih Suniti, Jarasanda miwah Rukma, arine Rukmini, taler para bala. Samian prasida kapademang olih Kresna. Dane taler das ngemademang Rukma nanging katambakin olih Dewi Rukmini. Wusan punika sareng kalih lunga ka Dwarawati tur nglaksanayang upacara pawiwahan irika.
Kakawin Kresnâyana karipta olih Mpu Triguna duk pamrentahan prabu Sri jayawarsa ring wewidangan Madiun - Ponorogo sawatara ring warsa 1104 Masehi.
Tema sane kaambil ring kakawin Kresnâyana puniki mesib sareng tema ring kakawin Hariwangsa.
- Fauzi Ilham, 1983, Kalangwan. Sastra Jawa Kuno Selayang Pandang, Jakarta: Djambatan. (Resensi, hal. 355-362)
- Prof. Dr. R. M. NG. Poerbatjaraka, 2021, "Kepustakaan Jawa", Yogyakarta,: Narasi. (hal.20-21)