Tipat
 Tipat lebeng sané kasajiang ring duur piring. | |
| Wastan sané tiosan | cingak ring betén |
|---|---|
| Sajian | Hidangan utama |
| Mawit saking |  Indonésia |
| Wawengkon utawi wewidangan | Asia Tenggara Maritim |
| Pekarya olih | Masyarakat Jawa-Melayu |
| Suhu penyajian | Hangat utawi temperatur ruangan |
| Lakaran utama | Nasi sané kekaryanin ring anyaman busung |
| Variasi | Ketupat pulut, ketupat daun palas, lepet |
| Tipat medué 0.088[1] kcal | |
| Inpormasi liyanan | Umum disajikan saat hari raya Idulfitri dan Lebaran Ketupat |
Tipat silih tunggil sanganan kalablab sané kekaryanin saking anyaman busung selanturnyané kadagingin baas. Sanganan puniki khas Asia Kelod-Kangin, sekadi Indonésia, Malaysia, Brunei, taler Singapura. Ring Filipina wénten sanganan bugnoy, pekaryan ipun sekadi tipat sakéwanten anyaman ipun metiosan.[2]
Tipat wantah kabudayaan saking pertanian padi Austronesia, sekadi puso Filipino, nentén sekadi ring Melayu taler Jawi sané kepatok ring wentuk umum berlian, ring Filipina[3] taler Bali kakreasi antuk anyaman kéngguh sekadi wentuk bintang taler wentuk beburon.[4] Wentuk versi oktahedron kewastanin atupat sadurungné wénten ring Guam aab pra-kolonial, sadurung pertanian padi kuna ring nusa punika kagingsirang antuk jagung sané kebakta wangsa Spanyol.[5][6]
Wastan tipat ring basa lokal, luiripun;
- Basa Indonésia: ketupat
- Basa Banjar: katupat
- Basa Betawi: tupat
- Basa Cebu: puso
- Basa Filipino: bugnoy
- Basa Gorontalo: atupato
- Basa Jawa: kupat
- Basa Kapampangan: patupat
- Basa Madura: ketopak
- Basa Makassar: katupa'
- Basa Melayu: ketupat
- Basa Minangkabau: katupek
- Basa Osing: kupat
- Basa Sasak: topat
- Basa Sunda: kupat
- Basa Tagalog: bugnoy
- Basa Tausug: ta’mu
- Basa Tolitoli: kasipat
Rianti miwah sawitra (2018) ngadatrayang tipat kauningayang olih Sunan Kalijaga ring abad ka-15 utawi ka-16, keanggén sanganan ri kala Idul Fitri.[7] Ring Bali tipat kauningin sampun keanggén ring bebantenan ri tatkala Galungan miwah Kuningan, kadartayang ring Purana Bali Dwipa, sané kapertama kalaksanayang ring warsa 889 utawi Saka 804, taler kekawitin malih ring Pamréntahan Sri Jayakasunu.[8] Mawit saking Historia, tipat sampun dados kabudayaan ring aab Majapahit parlambang kemakmuran saking Déwi Sri taler dados parlambang kemakmuran ring kabudayaan Sunda miwah Bali.[9]
Ring Bali isi tipat metiosan sareng sané umum kauningin, nenten kadagingin baas kemanten, tipat prasida kaisinin taluh, injin, miwah sané liyané, wénten sané nenten kadagingin taler wénten sané nenten kelablab.
Sesorohan tipat ring Bali inggih punika:[10][11][12][13]
- Tipat Bagia
- Tipat Blayag
- Tipat Cakra
- Tipat Dampulan
- Tipat Gatép
- Tipat Gong
- Tipat Kedis
- Tipat Kukur
- Tipat Krosok
- Tipat Lelasan
- Tipat Lepas
- Tipat Nasi/Kélanan
- Tipat Pandawa
- Tipat Sari
- Tipat Sidayu
- Tipat Sidakarya
- Tipat Sidapurna
- Tipat Sirikan
- Tipat Taluh
- Tipat Tulud
-
Tipat Kélanan -
Jadma nganyam janur dados ketupat anggén kaadep sadurung lebaran. -
Ketupat saking don nipah
- ↑ "Homemade - Ketupat". My Fitness Pal. Kaarsipin saking versi asli tanggal 2020-06-11. Kaaksés 2020-06-11.
- ↑ Almario, Virgilio, et al. 2010. UP Diksiyonaryong Filipino, 2nd ed. Anvil: Pasig.
- ↑ Nocheseda, Elmer I. (2011). "The Art of Pusô: Palm Leaf Art in the Visayas in Vocabularios of the Sixteenth to the Nineteenth Centuries" (PDF). Philippine Studies. 59 (2): 251–272.
- ↑ Mastini, A.A.Sagung (2013), Reringgitan & Anyaman Janur dan Lontar dalam Rangkaian Bunga, Gramedia Pustaka Utama, p. 37-41, ISBN 9792299343
- ↑ Cunningham, Lawrence J. (1992). Ancient Chamorro Society. Bess Press. p. 140. ISBN 9781880188057.
- ↑ Hunter-Anderson, Rosalind; Thompson, Gillian B.; Moore, Darlene R. (1995). "Rice As a Prehistoric Valuable in the Mariana Islands, Micronesia". Asian Perspectives. 34 (1): 69–89. JSTOR 42928340.
- ↑ Rianti, Angelina; E.Novenia, Agnes; Christopher, Alvin; Lestari, Devi; K.Parassih, Elfa (March 2018), "Ketupat as traditional food of Indonésian culture", Journal of Ethnic Foods (ring Inggris), 5 (1): 4-9, doi:10.1016/j.jef.2018.01.001
- ↑ Yonada Nancy (24 July 2019), Sejarah Hari Raya Galungan & Maknanya bagi Umat Hindu-Bali (ring Indonesia), tirto.id, kaaksés 12 June 2020
- ↑ Jay Akbar, Mengunyah Sejarah Ketupat (ring Indonesia), Historia.id, kaaksés 13 June 2020
- ↑ Wijaya, I Nyoman Artha; Sudana, A. A. K. Oka; Buana, Putu Wira (2016), "Aplikasi Pembelajaran Membuat Ketupat dengan Animasi Model 3D Berbasis Android", Jurnal Merpati (Menara Penelitian Akademika Teknologi Informasi), 4 (1)
- ↑ "Jenis-jenis Tetandingan Banten Sesayut Tebasan". komang.com. Kaaksés 22 November 2021.
- ↑ "Makna Tattwa Beberapa Banten (Banten Prayascita dan Byakala)". ngurahtirta.wordpress. Kaaksés 22 November 2021.
- ↑ Girinata, I Madé, "Ideologi Penggunaan Ketupat Krosok dalam Upacara Yadnya Umat Hindu (Studi Di Désa Bengkel Kecamatan Kediri Kabupatén Tabanan)" (PDF), Kamaya: 201-226, kaarsipin saking versi asli (PDF) tanggal 2021-11-21, kaaksés 2021-11-21
 |
Wikimédia Commons madué média indik Ketupat. |