Basa Melayu

Bahasa Melayu (Arab Jawi: بهاس ملايو) (Aksara Rejang: ꤷꥁꤼ ꤸꥍꤾꤿꥈ) silih tunggil basa Austronésia samé kabaosang ring wawengkon Nusantara miwah ring Samenanjung Malaya. Basa puniki dados basa resmi ring Brunéi Darussalam, Indonésia (dados basa Indonésia), miwah Malaysia (kauningin dados basa Malaysia): basa nasional Singapura: miwah dados basa karya ring Timor Lésté (dados Basa Indonésia). Basa Melayu pinaka basantara ring paadolan miwah kaagamaan ring Nusantara saking abad ka-7. Migrasi ngajimabrang paanggénan basa puniki. Tiosan ring negara sané kasengguh sadurungné, basa Melayu kabaosang ring Afrika Kelod, Sri Lanka, Thailand Kelod, Filipina kelod, Myanmar kelod, akedik ring Kamboja, ngantos Papua Nugini. Basa puniki taler kabaosang ring Nusa Natal miwah Kapuloan Cocos, sané dados pahan saking Ostrali.