Jagung

Saking Wikipédia
Loncat ke navigasi Loncat ke pencarian

Jagung inggih punika silih sinunggil soroh entik - entikan sané madué aran ilmiah Zea mays L.Entikan jagungé punika mentiknyané ngrumpyuk, jegjeg lan tegehnyané ±15 m. Jagung punika madué punya utawi giing sané bunter, punya jagungé punika maruas-ruas sané kawungkus antuk papah, akéh, nénten macarang, bongkol punyanyané maakah, mawarna kuning utawi jingga. Jagung punika madué don sané tunggil, bunter lan lantang, muncuknyané tajep, tepinyané asah, lantang donnyané 35–100 cm, lumbang donnyané 3–12 cm lan mawarna gadang. Don entikan jagung madué stomata sané mawentuk halter pinaka ciri khas entik- entikan sané rumasuk ring kulawarga utawi suku poaceae. Tiosan punika entikan jagung madué sekar sané ngrumpyuk, maumah tunggal, sekar jagungé sané muani lan sané luh mawentuk bulih, sekaré punika magenah ring muncuk punya lan ring paang donnyané, sekar jangungé punika madué benang sari sané mawarna tangi, bakal wohnyané bunternyane sekadi taluh, lan mawarna putih. Woh Jagungé mawentuk bongkol, lantangnyane 8–20 cm, wohé punika mawarna gadang masawang kuning. Wiji Jagungé punika mawentuk bunter, lan wijiné punika mawarna kuning utawi petak. Tiosan ring punike entikan jagung madué akah sané wawentuk pasarawé utari serabut lan mawarna putih daki utawi krem.[1][2]

Pustaka[uah | uah wit]

  1. Departemen Kesehatan Republik Indonesia. Inventaris Tanaman Obat Indonesia Jilid I. Jakarta, 2000.
  2. "agroteknologi.id", Klasifikasi dan Morfologi Tanaman Jagung.