Arak
 Duang soroh Arak Sri Lanka | |
| Jenis | Ineman keras |
|---|---|
-stokerij_Maatschappij_%27Aparak%27_Batavia%27_TMnr_10014126.jpg)
Arak, utawi arrack (basa Inggris),[1] inggih punika silih sinunggil soroh ineman alkohol, sané kapolihang saking prosés panyulingan utawi déstilasi, ring Bali arak kaloktah punika saking Karangasem.[2] Arak Bali sampun katetapang dados Tetamian Budaya Tenbenda sané marégister 202201546.[3]
Lakaran[uah | uah wit]
Lakaran utama arak puniki mabinayan mawit saking genah ipun, sekadi ring Asia Kangin ketah ngambil lakaran saking pendeman beras, yen ring wawengkon Asia Kelod tur Kelod Kangin ketah ngambil saking lau utawi tuak.
Prosés[uah | uah wit]
Panyulingan arak ketahné lakaran arak pacang kapunpunin, ring ujung duur ipun katekepin antuk tanah ampo mangda toya uap nyané nénten ja medal saking bolong sané wénten, toya sané nguap saking lakaran punika ngentasin sekadi pipa utawi tiing, ritatkala ngentasi pipa pacang keni udara dingin, toya sané marupa uap suhuné tedun tur dados toya sakéwanten nénten ja toya ketah, punika sampun dados alkohol. Galah tedunan kapertama kauningin dados arak kualitas pinih becik, nyansan suwé, kualitas ipun tedun dados arak kelas kalih, kelas tiga, miwah arak tabuh, kualitas kapolihan saking dagingan toya sané langkung saking alkohol, krana alkohol ngelah titik didih magenah ring sor titik didih toya.
Pustaka[uah | uah wit]
- ↑ Dobbin, Christine E. (1996). Asian entrepreneurial minorities: conjoint communities in the making of the world-economy 1570-1940. Taylor & Francis. p. 54. ISBN 978-0-7007-0404-0.
- ↑ Media, Kompas Cyber (2014-09-23). "Melihat Cara Pembuatan Arak Bali di Karangasem". KOMPAS.com (ring Indonesia). Kaaksés 2022-12-29.
- ↑ "Warisan Budaya Takbenda | Penetapan". warisanbudaya.kemdikbud.go.id. Kaaksés 2022-12-29.
