Bika ambon
Bika ambon inggih punika sanganan khas Medan, Indonesia. Sané malakar saking tepung tapioka, taluh, gula, miwah santen. Bika ambon sané kakaryanin selami 12 jam[1] niki biasané tetep nyidayang kaajeng selami petang wai, sawiréh sawusan petang wai sanganan puniki pastika sayan keras. Sanganan basah puniki ketah madue jaring-jaring ring dalemnyané. Wénten taler bika ambon sané kaadol antuk makudang-kudang soroh rasa, makadi pandan, coklat, kéju, miwah sané lianan.
Ngantos mangkin nénten wénten kapastian miwah panyelehan sosiokultur indik masa pangawit kawéntenan bika ambon.[1]
Versi kapertama; Manut tutur M Muhar Omtatok, budayawan miwah sejarawan, sanganan bika ambon mawit saking Bika utawi Bingka sanganan khas Melayu. Selanturnyané, bingka punika kauwah antuk bahan pengembang lianan sakadi nira/tuak ental ngantos wénten rongga tur mabinayan tekéning sanganan bika pangawitnyané. Salanturnyané, M. Muhar Omtatok nugtugang yéning sanganan puniki kabaos bika ambon sawiréh ketah kauningin tur kaadol ring pasimpangan Jl. Ambon-Sei Kera Medan.[ngidih pustaka]
Versi kalih; Kruna "Ambon" ring bika ambon inggih punika singkatan saking Amplas Kebon (sawireh krama médan seneng nyingkat kruna) Dialék médan. Ring masa kolonial Belanda, para imigran sané meneng ring Daerah Amplas sisi kangin tukad -- kabaos Amplas Kebon -- ngawinang sanganan bikang salanturnyane kaadol ka Kota Medan tur salanturnyane kaloktah sawiréh kasenengin krama Belanda miwah Tionghoa duk punika.[1]
Versi tiga tur papat (nénten ngyakinin); duk dumun ada anak Ambon sané makta sanganan bingka ka Malaysia tur salanturnyané dados istilah. Versi papat, Ambon inggih punika kruna saking basa Médan sané maartos lemuh. Nanging, kruna puniki sampun sué ten kaanggén ring Médan. Duk tanggal 26 Agustus 1933, koran édisi Belanda, De locomotief, madaging iklan di Kota Semarang sané maosang bika ambon.[2] Bikang ambon taler sampun katulis olih koran sané pateh ring warsa 1896 di Kwitang, Batavia --mangkin Jakarta-- (De locomotief: Samarangsch handels- en advertentie-blad, 10-02-1896).
Bika ambon kaloktah pinaka oleh-oleh khas Kota Medan, Sumatra Utara. Ring Medan, Jalan Mojopahit di wewidangan Medan Petisah wénten 30 toko sané ngadol sanganan puniki. Soang-soang toko ring genahé puniki mresidayang ngadol akéhan saking 1.000 bungkus bika ambon awai nuju hari raya.[3]
- ↑ 1,0 1,1 1,2 "Sejarah Kenapa Bika Ambon dari Medan". pariwisata.pemkomedan.go.id. Kaaksés 2020-10-06.
- ↑ locomotief, de (26 Agustus 1933). "refreshment room (iklan)". www.delpher.nl. Kaaksés 06 Oktober 2020. Check date values in:
|access-date=(help) - ↑ Pikobet nganggit: Tag
<ref>tidak sah; tidak ditemukan teks untuk ref bernamaKontan