Soto Banjar

Soto Banjar
	Campuhan jangkep saking Soto Banjar
Sajian	Ajengan utama
Mawit saking	Indonésia
Wawengkon utawi wewidangan	Kalimantan Kelod, Tengah, miwah Kangin
Pekarya olih	Wong Banjar
Suhu penyajian	Anget
Lakaran utama	Kuah kaldu ayam
Énergi ajengan; (per serving)	Soto Banjar medué 100 kcal
Inpormasi liyanan	Ketah kasajiang ritatkala rahina Idulfitri
	Resep: Soto Banjar; Media: Soto Banjar;

Soto Banjar inggih punika soto khas wong Banjar, Kalimantan Kelod antuk lakaran utama ayam taler basa-basa sekadi kayu manis, pala, miwah cengkéh. Wénten taler paratengan kuah soto Banjar prasida kacampuhin antuk akedik susu sané ngaranayang warna kuahnya dados nénten ening sekadi ketahné sakéwanten dados puék. Soto puniki madaging ayam sané sampun masisit, antuk wewehan perkedel, getepan wortel, tipat, kentang miwah taluh malablab.^[2]

Sekadi ketahné soto ayam, basa soto Banjar madaging kesuna, bawang miwah mica, sakéwanten nénten madaging kunyit. Bumbu katumis lantas kadangin akedik lengis goreng utawi lengis samin, katumis ngantos ambuné miik, wusan punika kadagingin kuah kaldu ayam. Basa-basa punika pacang kaangkat mangda nénten sareng ring mangkok rikala kaajeng.

Lelintihan[uah | uah wit]

Sekadi ketah kauningin ajengan soto rauh ring Indonésia kabakta olih wong Cina. Olih ipun wénten akéh soroh parinama soto. Wénten ngaparinamain jao to, shao du, miwah zhu du. Katiga parinama punika sayuktiné madué paindikan sané pateh, punika nganggé jéroan dados dasar lakaran ajengan punika, sané marupa ajengan makuah saking ngeratengin jéroan sareng basa-basa khas Cina. Pangrauhné krama Cina ring gumi Banjar, ngaranayang kuliner punika ngawit kaloktah ring krama Banjar. Tiosan krama China, wénten taler bangsa dura negara liyanan sané rauh tur nyeneng ring gumi Banjar, minakadi Belanda, Arab, miwah India.

Kanikayang olih Mursalin sekaa bangsa dura negara puniki makéhan nyeneng ring wawidangan maparinama Tatas. Saking irika pacampuhan makudang budaya ngawitin kauripan ring Gumi Banjar, silih tungggil ipun ajengan soto. Pacundukan makudang budaya punika taler ngaranayang wénten campuhan lakaran sané kaanggén ring krama Banjar. Ajengan sup sané kabakta bangsa Belanda makta pingaruh marupa kuah kaldu soto sané ening, madaging selédri, getepan wortel, kentang, miwah kawewehin perkedel. Budaya India, makta pingaruh ajengan mabasa sané kentel sekadi kari, ring soto kacunduk campuhan punika ketah sekadi kadagingin susu ékaforasi. Bangsa Arab ngapingaruhin wewehan basa-basa sekadi, cengkéh, adas, miwah kayu manis. Campuhan ragam budaya punika salanturné macunduk sareng budaya Banjar sané ngawewehin cita rasa lemak saking kaldu miwah susu, taler cita rasa legit akedik sané maasal saking kayu manis.^[3]

Pustaka[uah | uah wit]

↑ "Kalori dalam Soto Banjar dan Fakta Gizi". mobile.fatsecret.co.id. Kaaksés 2023-02-23.
↑ (Indonésia) Badiatul Muclisin Asti & Laela Nurisysyafa'ah. Kumpulan Resep Masakan Tradisional dari Sabang sampai Merauke. Media Pressindo. p. 283. ISBN 9797880729.CS1 maint: uses authors parameter (link)ISBN 978-979-788-072-9
↑ Media, Kompas Cyber (2021-12-21). "Sejarah Soto Banjar, Makanan yang Lahir dari Pertemuan 5 Budaya Halaman all". KOMPAS.com (ring Indonesia). Kaaksés 2023-02-23.

Pranala jaba[uah | uah wit]

Resep Soto Banjar Archived 2007-09-27 at the Wayback Machine Tabloid Nova

[1] "Kalori dalam Soto Banjar dan Fakta Gizi". mobile.fatsecret.co.id. Kaaksés 2023-02-23.

[2] (Indonésia) Badiatul Muclisin Asti & Laela Nurisysyafa'ah. Kumpulan Resep Masakan Tradisional dari Sabang sampai Merauke. Media Pressindo. p. 283. ISBN 9797880729.CS1 maint: uses authors parameter (link)ISBN 978-979-788-072-9

[3] Media, Kompas Cyber (2021-12-21). "Sejarah Soto Banjar, Makanan yang Lahir dari Pertemuan 5 Budaya Halaman all". KOMPAS.com (ring Indonesia). Kaaksés 2023-02-23.

[1]

[2]

[3]