Kesuna

Saking Wikipédia
Cebur nuju navigasi Cebur nuju parerehan

Kesuna
Garlic.jpg
Kesuna
Klasifikasi ilmiah
Krajaan
Plantae
Divisi
Magnoliophyta
Kelas
Liliopsida
Bangsa
Asparagales
Familia
Alliaceae
Subfamilia
Allioideae
Suku
Allieae
Marga
Allium
Spésiés
A. sativum
Adan Binomial
Allium sativum
Kesuna

Kesuna (Allium sativum) inggih punika soroh entik-entikan sané ngranjing wangsa Liliales, suku Liliaceae taler pinaka tetanduran sané marupa umbi. Kesuna mawarna putih miwah dados kaanggén basa. Tiosan punika, kesuna dados kaanggén tamba nuunang tekanan darah tinggi, tamba lempuyengan tur pinaka antibiotik.[1]

Ceciren Morfologi[uah | uah wit]

Kesuna sané ngranjing ring tetanduran sané marupa umbi puniki maduwe makudang-kudang ceciren morfologi, inggih punika[2]:

  1. Akah: Akah Kesuna magenah ring sor umbinnyane. Akah puniki marupa akah sabut sané nenten prasida mancer dalem ring tanah. Punika mawinan dangan antuk nyabut utawi lepas ri kala keni angin utawi akehan keni toya
  2. Umbi: Umbi Kesuna marupa umbi sané makit akeh. Puniki mawinan umbin Kesuna puniki mawit saking makudang-kudang badih umbi alit sané maakitan. Katah badih ipun pantaraning 8-20 badih sané kakaput antuk kulit umbi mawarna putih.
  3. Katik: Karik Kesuna wantah katik sané kabaos katik semu, santukan nenten ja katik sané malakar saking kayu, sakewanten katik saking malakar saking makudang-kudang lapis papah.
  4. Don: Don Kesuna puniki alit sakewanten lantang tur muncuk nyane lanying. Lantang don kesuna puniki prasida kantos 60 cm.
  5. Bunga: Bungan Kesuna puniki mawarna putih, cenik-cenik, taler kabaos bunga majemuk santukan kawangun antuk makudang-kudang helai bunga. Bungan Kesuna arang pisan kapanggih santukan seringan sampun rontok sadurung becik dados bunga.

Kawigunan[uah | uah wit]

Kesuna madué makudang-kudang kawigunan tiosan ring dados lakar basa. Kawigunan Kesuna inggih punika[3]:

  1. Pinaka panawar pinakit pilek
  2. Nedunang tekanan darah
  3. Nedunang kolesterol
  4. Nepasin sungkan polo (alzeimer miwah dimensia)
  5. Ngicalang rasa leleh
  6. Ngirangin kawéntenan kadar Timbal ring sarira
  7. Ngawi tulang kuat

Pustaka[uah | uah wit]

  1. ↑ "agroteknologi.id", klasifikasi-dan-morfologi-bawang-putih.
  2. ↑ agrotek (2020-01-07). "Klasifikasi dan Morfologi Tanaman Bawang Putih". Ilmu Pertanian (ring Indonesia). Kaakses 2021-07-19.
  3. ↑ Media, Kompas Cyber (2021-04-24). "7 Manfaat Bawang Putih untuk Kesehatan yang Telah Terbukti Halaman all". KOMPAS.com (ring Indonesia). Kaakses 2021-07-19.

Pupulan pustaka[uah | uah wit]

  • McGee, Harold (2004). "The Onion Family: Onions, Garlic, Leeks". On Food and Cooking (Revised Edition). Scribner. pp. 310–3. ISBN 0-684-80001-2.

Pranala jaba[uah | uah wit]

Mal:Cookbook


Mal:Allium

Kapolihang saking "https://ban.wikipedia.org/w/index.php?title=Kesuna&oldid=95801"