Mica

Saking Wikipédia


Punyan Mica yan kaparinama antuk basa Latin inggih punika Piper Ningrum L. lianan ring punika, Punyan Mica mauwahan saking wijinyané sané numbuhang papunyanané. Raris ring Nusantara, Punyan Mica puniki madué nami sané lumrah ring makudang-kudang genah sané nyiriang genahé niki ring Nusantara. Minakadi;

  • Ring Swarna Punyan Mica puniki kasengguh Punyan Koro-koro
  • Ring Jawi Punyan Mica puniki kasengguh Punyan Sakang
  • Ring Wanin Punyan Mica puniki kasengguh Punyan Sahang Miwah sané lianan

Punyan Mica puniki yan kawedarang saking genah ipun tumuwuh nyantos cacirénnyané kadi asapuniki;

  • Genah Mahurip Punyan Mica puniki wénten ring pangkung-pangkung, alas, miwah sané lianan,
  • Bantang nyané bunter, madaging embang, macarang, miwah medué akah sané kaanggén ngret,
  • Ronyané sasiki, sakadi taluh, bongkolnyané sakadi ati, ujungipun mangan, matepi asah, panjangnyané sawetara limang sénti nyantos kutus sénti,
  • Sekarnyané gempong, medaging bulih-bulih, nyarénténg,
  • Wohnyané bunter, yan sakari nguda mawarna gadang nguda, risampuné wayah mawarna barak,
  • Watu utawi Wijinyané bunter, mawarna putih masawang selem,
  • Akahnyané tunggang, mawarna putih gading.

Kawigunanyané nganinin pariindikan Punyan Mica niki, sida kaanggén ubad masuk angin, ubad ancab déning rah, ubad sesek miwah marusang papeluh ring angga. Yan kaanggén ubad masuk angin, ron Punyan Mica sané sampun kaulig kaanggé sawetara tigang jumput, wusan nika seduh nganggén wedang rateng. gentosin nyantos tis, raris kadadah. Wusan nika dados sampun nginem. Punyan mica niki yan risajroning kasusastraan Jawa Kuno kapanggih ring Lontar Usadha Taru Pramana.[1][2]

Bacakan Pustaka[uah | uah wit]

  1. Departemen Kesehatan Républik Indonésia.Inventaris Tanaman Obat Indonésia Jilid I. Jakarta, 2000.
  2. "Archive copy". Kaarsipin saking versi asli tanggal 2019-05-26. Kaaksés 2019-05-26.CS1 maint: archived copy as title (link)