Seruit
| Sajian | Utama |
|---|---|
| Mawit saking | Indonesia |
| Wawengkon utawi wewidangan | Lampung |
| Pekarya olih | Suku Lampung |
| Suhu penyajian | Panas atau suhu ruangan |
| Lakaran utama | Ikan, tempoyak (olahan durian), buah-buahan, |
Seruit inggih punika ajengan khas daerah Lampung, Indonesia, pinaka masakan bé sané kagoréng utawi kabakar turmaning kacampurang baan sambel sera miwah tempoyak (olahan uli buah durén) utawi poh. Soroh béné minakadi belidé, baung, layis miwah sané lianan. Taler sawireh Lampung nampek saking segara, dados taler nganggén bé pasih. Inemannyané mawasta serbat, pinaka jus buah poh kwini. Ring sakancan toko ajengan tur oléh-oléh, taler wénten sanganan khas mawasta sambel Lampung, lempok (dodol), keripik biu, kerupuk kemplang, manisan, miwah sané lianan.
Sakadi masyarakat ring wewidangan Indonésia, masyarakat Lampung inggih punika masyarakat sané seneng mapupul, ring kulawarga utawi ring banjarannyané. Ipun makasami mapupul ring acara pawiwahan, adat, miwah acara agama.
Manut segi kultural, Lampung kapah dados kalih masyarakat adat, makadi Lampung Sai Batin lan Lampung Pepadun. Makadua madué kebiasaan mapupul. Ri kala mapupul kaperluang ajengan sané sida kaajeng sareng-sareng. Ajengan punika nénten lian wantah seruit. Sakéwala kebiasaan ngajeng seruit nénten kadruenin olih makasami masyarakat adat. Wantah seruit sané dados tetamian. Manut Lampung Pepadun, seruit pinaka ajengan pokok.
- Seruit Recipes Archived 2011-02-09 at the Wayback Machine Diarsipkan 2011-02-09 di Wayback Machine.