Ratu Ayu Mekulem
| Ratu Ayu Mekulem | |
|---|---|
| Déwi peratengan | |
| Simbol | Kulkul taru |
| Rabi | Ratu Sakti Pancering Jagat |
| Rerama | Bhatara Kehen |
Ratu Ayu Mekulem utawi Dewi Ayu Pingit Mas Mekulem punika putri Bhatara Kehen sané manados praméswari Ratu Sakti Pancering Jagat. Swadharman ipun meratengan antuk rabi nyané ri kala piodalan, sabilang tilem. Reratengan ipun sané kasenengin olih Ratu Sakti Pancering Jagat, punika nasi kukus sané kedagingin embe miwah ineman limo. Nasi sané kasediaang kacampuh sareng druwen beras saking Jehem.[1]
Rikala upacara ring Pura Pancering Jagat Terunyan pacang ngetok kulkul mangda Ratu Ayu Mekulem metangi. Mekulem artos ipun pateh sareng sirep.[1] Ratu ayu swadharman nyané meratengan antuk rabi miwah pra tamiu rabi nyané. Beras sané keanggén maasal saking sabilang umah ring Trunyan sané kacampuh beras saking uma ring Jehem. Asapunika nikayang Ratu Ayu Mekulem meduwé laksana antuk ngerangkepang krama Trunyan sareng Kehen.[2]
Stana Ratu Ayu Mekulem ring Pura Pancering Jagat Terunyan nénten megenah ring jeroan, menawi ring madya mandala Pura Maospait.
Legénda[uah | uah wit]
Ratu Ayu Mekulem punika putri saking Bhatara Kehen. Ring pawiwahan ipun sareng Ratu Sakti Pancering Jagat, ida kaicen uma olih aji nyané jimbar ipun kalih sikut ring Jehem, nampek Kehen.[1]
Duk rahina, Déwi Danu bendu mawinanan kapajeg Bhatara Kehen ri kala ngentasin wewengkon nyané. Asapunika, ida nekep embakan toya ring Kehen ngatos wewengkon punika kirangan toya. Antuk ngentosin pikobet punika, Bhatara Kehen ngicen lindung besi majeng putri nyané antuk kadagingin ring Danu Batur. Lindung-lindung punika selantur nyané nyoncong tembok danu ngantos Kehen, asapunika Kehen polih toya malih.[1]
Cingak malih[uah | uah wit]
Pustaka[uah | uah wit]
- ↑ 1,0 1,1 1,2 1,3 James Danandjaja (1989). Kebudayaan petani désa Trunyan di Bali. Penerbit Universitas Indonésia. ISBN 979-456-034-0.CS1 maint: uses authors parameter (link)
- ↑ Nadia Lovell (1998). Locality and Belonging. Routledge. ISBN 0-415-18281-6. Kaaksés 31 Oktober 2015.CS1 maint: uses authors parameter (link)