Sikut

Sikut (aksara bali: sikut·) inggih punika tata cara pangukuran antropologis tradisional sané wénten ring Bali. Sikut punika kaukur madasar antuk ukuran angga sang sané nruwénang umah. Sikut punika wénten kasurat ring lontar Asta Kosala Kosali miwah Asta Bhumi. Sikut kaanggén ngamolihang ukuran pekarangan, genah, utawi jarak balé ring natah, miwah ukuran balé. Sikut sané kaanggén ngaryanin saka utawi adegan kacatet ring gegulak. Gegulak punika tiing sané kaicénin tanda ukuran sané kaanggén dados pinget. ^[1]

Soroh Sikut

Sikut sané kaangen ring Arsitektur Tradisional Bali inggih punika^[2]:

Acengkang : kaukur saking inan lima ngantos tujuh sané kakebatang.
Alengkat : kaukur saking tujuh ngantos muncuk inan lima sané kakebatang.
Akilan: kaukur saking inan lima ngantos kacing sané kakebatang.
Agemel : kaukur saking keliling lima sané kagemelang.
Aguli : kaukur saking ruas muncuk tujuh.
Akacing : kaukur saking bongkol ngantos muncuk kacing lima tengawan.
Alek : kaukur saking bongkol ngantos muncuk lonjong/linjong lima tengawan.
Amusti : kaukur saking muncuk inan lima ngantos bongkol tapak lima sané kagemelang.
Atapak batis : kaukur a lantang tapak batis.
Atapak batis ngandang : kaukur a jimbar tapak batis.
Depa Agung : kaukur saking bongkol lengen ngantos lonjong/linjong sané kakebatang
Depa Alit : kaukur saking bongkol lengen ngantos lima sané kagemelang.
Duang jeriji : kaukur lingkar duang jeriji (tujuh miwah lonjong/linjong sané kagémpélang).
Petang jeriji : kaukur saking jimbar petang jeriji (tujuh, linjong, lék/manis miwah kacing) sané kagempelang.
Sahasta : kaukur saking siku ngantos bongkol tapak lima sané kagemel.
A Hasta : kaukur saking siku ngantos muncuk lonjong/linjong.
Atampak lima : kaukur a jimbar tapak lima sané kakebatang tur jerijiné punika karapetang.

Galéri

Sikut sané kaangén ngawangun balé
Sikut jarak wangunan ring natah
Sikut Pekarangan

Pustaka

↑ "Mengenal Arsitektur Bali dan Keunikannya Secara Lengkap". Arsitur Studio (ring Indonesia). Kaaksés 2021-01-12.
↑ ditwdb (2019-10-30). "Asta Kosala Kosali, Pengetauhan arsitektur tradisional Bali". Direktorat Warisan dan Diplomasi Budaya (ring Indonesia). Kaarsipin saking versi asli tanggal 2022-04-15. Kaaksés 2021-01-12.

[1] "Mengenal Arsitektur Bali dan Keunikannya Secara Lengkap". Arsitur Studio (ring Indonesia). Kaaksés 2021-01-12.

[2] twdb (2019-10-30). "Asta Kosala Kosali, Pengetauhan arsitektur tradisional Bali". Direktorat Warisan dan Diplomasi Budaya (ring Indonesia). Kaarsipin saking versi asli tanggal 2022-04-15. Kaaksés 2021-01-12.

[1]

[2]