Wantilan

Saking Wikipédia
Cebur nuju navigasi Cebur nuju parerehan
Wantilan ring Pura Taman Ayun, Mengwi sané kaanggén genah tabuh rah.
Wantilan ring Gianyar.

Wantilan inggih punika balé sané kaanggén genah makumpul krama sané akéh. Wantilan wantah bale sané pinih ageng ring Arsitektur tradisional Bali. Wantilan inggih punika wangunan Balé sané nenten madué tembok miwah madué raab tumpang. Sekadi wangunan publik, wantilah katah kawangun ring perempatan agung utawi catus pata sané kaanggén genah sekancan aktivitas sekadi genah sangkeb utawi genah bebalihan. Wantilan taler kawangun ring pura sané kaanggén genah upacara sekadi tabuh rah.

Wentuk[uah | uah wit]

Wantilan wantah Bale sané ageng sané kawangun ring bataran miwah madué raab matumpang kalih utawi tiga[1]. Ring wantilan sané kuna raab katah kagisi oleh papat saka inti ring tengah miwah roras utawi duang dasa saka ngalilingin saka punika. Dewase né mangkin akeh wantilan sané kawangun ngagge beton bertulang miwah nénten perlu saka ring tengah wangunan. Raab wantilan katah matumpang kalih utawi tiga, raab-raab punika madué jarak sané kaagen genah sinar ngaranjing miwah kaagen ventilasai udara panes. Raab wantilan ketah melakar saking genteng utawi ngage ambengan.

Bataran wantilan ketah asah miwah madué kalangan ring ajeng sané kaangen gelah gamelan, tetarian miwah bebalihan. Wenten taler wantilan sané madué kalangan ring tengah wangunan. Wantilan sekadi puniki lumrah kaangen genah metajen utawi tabuh rah. Wantilan ring pura kawangun ring Jaba tengah utawi jaba sisi[2].

Pustaka[uah | uah wit]

  1. Davison, Julian. (2003). Introduction to Balinese architecture. Davison, Julian., Davison, Julian. Singapore: Periplus. ISBN 0-7946-0071-9. OCLC 55149402.
  2. Windhu, Ida Bagus Oka (1094). Bangunan Tradisional Bali Serta Fungsinya [Traditional Building of Bali and its Function] (in Indonésian). Jakarta: Direktorat Jenderal Kebudayaan.