Joglo

Saking Wikipédia
Cebur nuju navigasi Cebur nuju parerehan


Omah UGM, joglo ané matongos di Yogyakarta

Joglo ento umah adat wong Jawa ané majujuk di baduur 4 adegan utama.[1] Kruna "joglo" nujuang ka goban raabné. Raab magoba joglo nyidayang kaanggon di umah ketah wiadin di pendopo.[2] Umah Joglo ketahné mapaiketan ajak warga ménak.

Umah adat Jawa kakepah dua dadi umah induk maimbuh umah ané lénan. Umah induk kawentuk uli pahan liu:

1.Pendopo[uah | uah wit]

Pahan ené ada di arepan umah. Ketahné kaanggon antuk aktivitas formal, buka sangkepan, balih-balihan igelan muah wayang kulit, masih upakara adat.

2.Pringitan[uah | uah wit]

Pahan ené matongos di pantarané pendopo muah umah njero. Pringitan sai kaanggon antuk balih-balihan wayang kulit.

3. Emperan[uah | uah wit]

Emperan linggahné kuang-lebih 2 méter tur kaanggon antuk nerima tamiu muah tongos marérén. Di emperan ketahné ada apasang korsi kayu muah méja.

4. Omah njero[uah | uah wit]

Pahan ené sai kasambat omah mburi (umah duri), dalem ageng wiadin omah dogén.

5. Senthong-kiwa[uah | uah wit]

Matongos di samping tengen tur kawentuk uli rong liu. Ada ané matetujon dadi rong mécok, gudang, tongos nyimpen dedaaran muah barang ané lénan.

6. Senthong tengah[uah | uah wit]

Pahan ené matongos di tengahné pahan njero. Sai masih kasambat pedaringan, boma, wiadin krobongan. Tetujonné ento dadi tongos nyimpen barang-barang maaji, buka keris.

7. Senthong-tengen[uah | uah wit]

Pahan ené patuh ajak Senthong kébot, unduk tetujonné tur masih pilpilan rongné.

8. Gandhok[uah | uah wit]

Gandhok ento bangunan imbuh ané ngiderin sisi duri muah samping bangunané jatu.

Soroh Joglo[uah | uah wit]

  • Joglo ceblokan
  • Joglo kepuhan limolasan
  • Joglo lambangsari
  • Joglo kepuhan lawakan
  • Joglo kepuhan awitan
  • Joglo wantah apitan
  • Joglo Limasan Lawakan (wiadin “Joglo Lawakan”).
  • Joglo Sinom (Sinom Apitan)
  • Joglo Jompongan (Jompongan Pokok)
  • Joglo Pangrawit
  • Joglo Mangkurat
  • Joglo Hageng
  • Joglo Semar Tinandhu
  • Joglo Jepara
  • Joglo Kudus
  • Joglo Pati
  • Joglo Rembang

Pustaka[uah | uah wit]

  1. Olivier Johannes, Raap (29 Méi 2017). Kota Di Djawa Tempo Doeloe. Kepustakaan Populer Gramedia. hlm. 142. ISBN 9786024243616
  2. Heinz., Frick, (1997). Pola struktural dan teknik bangunan di Indonésia : suatu pendekatan arsitektur Indonésia melalui pattern language secara konstruktif dengan contoh arsitektur Jawa Tengah. Yogyakarta: Penerbit Kanisius. ISBN 9794979465 OCLC 636808760