Cebur nuju daging

Karang boma

Saking Wikipédia
Karang Boma
Karang Boma ring Kori Agung pura Désa ring Singapadu, Gianyar.

Karang Boma inggih punika silih tunggil kekarangan sané marupa prabhu raksasa sané macaling renggah miwah madué mahkota. Karang Boma wénten sané nenten madué tangan wénten malih sané madué pegelangan tangan sané jerijinyané kebat. Karang boma ketah masaih antuk patra bun-bunan utawi patra punggel. Karang boma kagenahang ring duur pintu kori agung, ring wadah, miwah kaangen ngiasin gamelan.[1] Karang Boma manut saking kakawin BomantakaOrnamen karang bhoma niki ngambil ilham saking mitologi Hindu indik putra Dewa Wisnu sareng Dewi Pertiwi sané embas antuk rupa raksasa jejehin maparab Bhoma Narakāsura.

Karang bhoma lianan pinaka simbol prarai raksasa Bhoma, taler prasida kategesin pinaka gegambaran alas ring genah gunung sane pinaka silih tunggil genah kahuripan majeng sakancan pramana. Alas sane magenah ring wewidangan gunung taler matetujon nyaga pamargin ekosistem bhuana miwah nyimpen cadangan toya kedas ring jagat. Alas taler nyomya meliah tanah gunung sane prasida ngawé baya urip manusa miwah pramana lianan. Gegambaran sakadi niki taler amargi sareng konsep prarai raksasa Kīrthimukha sané makarya anggé nyaga gebyog kuil Dewa Siwa. Para dewata tur jiwa-jiwa suci leluhur ring konsep vernakular klasik Indonesia kagambarang magenah ring pucuk gunung-gunung suci ring bhuana. Gunung-gunung sakadi niki satata kajaga utamanyané olih kawéntenan alas bet pinaka wewidangan proteksi miwah “tembok pawates” sané malasang antuk bhuana urip manusa miwah sekular tur profan. Ringkesan analogis niki ngaluhang piuning indik pagenahang karang bhoma sané wénten ring raga wangunan, ring ajeng bolong gebyog ngranjing nuju genah suci utawi wangunan suci asiki arsitektur pura ring Bali[2]

Galeri

[uah | uah wit]

Pustaka

[uah | uah wit]
  1. Gelebet, I Nyoman; Puja, I. G. N. Arinton. (1986). Arsitektur tradisional daerah Bali. Denpasar: Departemen Pendidikan dan Kebudayaan, Proyek Inventarisasi dan Dokumentasi Kebudayaan Daérah. p. 359.
  2. Bagus Suryada, I Gusti Agung. "Ornamen-ornamen Bermotif Kedok Wajah dalam Seni Arsitektur Tradisional Bali" (PDF): 7. line feed character in |title= at position 37 (help); Cite journal requires |journal= (help)