Légong

Légong

Pragina nyolahang Légong Bapang Saba
Aran asli	basa Bali: legoŋ, transliterasi légong
Penemu	Bali
Saking	Indonésia

Tiga génré tari tradisional ring Bali
Tetamian Budaya Tenbenda UNESCO
Sesolahan Legong
Negara	Indonésia
Pustaka	617
Wewidangan	Asia miwah Pasifik
Babad Inskripsi
Inskripsi	2015
Wali (Rejang, Sanghyang Dedari, Baris Upacara), Bebali (Topéng Sidhakarya/Topéng Pajegan, Gambuh, Wayang Wong), Balih-balihan (Legong Kraton, Jogéd Bumbung, Barong Két)

Légong wantah silih tunggil sasolahan marupa igel-igelan saking Bali. Legong ngranjing tari Bali Klasik sané keni aab saking sasolahan Gambuh. Legong kaiket antuk gamelan sané ngiringang. Kruna Legong mawit saking kruna leg sané maarti lemuh raris kaartiang pinaka tindak agem sané lemuh. Kruna gong sané maarti gamelan. Ketah kauningin tari legong kasolahang olih kakalih anak istri.

Lelintihan

Légong sané ketah ring Bali

Kirang langkung wénten plekutus tari legong sané nglimbak ring Bali, utaminyane ring Bali Kelodan, sakadi Gianyar (Saba, Bedulu, Pejeng, Peliatan), Badung (Binoh miwah Kuta), Dénpasar (Kelandis), miwah Tabanan (Tista).

1. Légong Lasem (Kraton), Légong puniki pinih kasub miwah sering pisan kasolahang ring Bali. tari puniki kalimbakang ring Peliatan. Légong lasem kasolahang olih kakalih legong miwah condong. Condong sané ngawitin masolah, raris kasarengin olih kakalih legong sané nyoalahang lase. Sesolahan puniki taler kabaos legong kraton. Légong lasem ngambil bantang carita saking carita panji ring Abad 12 miwah abad 13 ri kala masa kerajaan kadiri.
2. Légong Jobog, sesolahan puniki, sakadi legong lianan kasolahang olih kakalih legong. Ngambil bantang carita saking peparikan Ramayanan, carita Sang Sugriwa miwah Subali sané kabaos Kuntir miwah Jobog sané ngrebutin manik saking ajinyane. Manik punika kakutang ring danu, raris makakalih macemplung ring danune. Tan uningin yéning macemplung drika, makakalih dados bojog.
3. Légong Legod Bawa, Tari puniki ngambil bantang carita saking siat Bhatara Brahma miwah Bhatara Wisnu ri kala ngrereh linggan ida Bhatara Siwa.
4. Légong Kuntul
5. Légong Smaradahana, ngambil bantang carita saking Smaradahana.
6. Légong Sudarsana, Ngambil bantang carita saking Calonarang.