John Lie

Saking Wikipédia
Loncat ke navigasi Loncat ke pencarian
Laksamana Muda TNI (Purn.)
John Lie Tjeng Tjoan
李約翰
John Lie, Jalesveva Jayamahe, p216.jpg
Informasi pribadi
EmbasLie Tjeng Tjoan
李約翰

(1911-03-09)9 Maret 1911
Bendera Belanda Manado, Sulawesi Utara, Hindia Belanda
Seda27 Agustus 1988(1988-08-27) (yusa 77)
Bendera Indonesia Jakarta, Indonesia
PasanganMargaretha Dharma Angkuw
RerameLie Kae Tae (bapak)
Oei Tjeng Nie Nio (ibu)
Penghargaan sipilPahlawan Nasional Indonesia
Dinas militer
Pihak Indonesia
Dinas/cabangLambang TNI AL.png TNI Angkatan Laut
Masa dinas1945 – 1966
PangkatPdu laksdatni komando.png Laksamana Muda TNI
KomandoPPB 58 LB / The Outlaw
Pertempuran/perangRevolusi Nasional Indonesia


Laksamana Muda TNI John Lie Tjeng Tjoan utawi Jahja Daniel Dharma (1911-1988) inggih punika pahlawan nasional Indonésia saking Manado. Dané kadadosang pahlawan nasional madasar antuk Keppres nomer 58/TK/2009 ring pinanggal 9 Novémber 2009. Daweg alit, dané mapeséngan John Lie tur meled pisan dados kaptén kapal. Sasampune dané duur, dané dados pamucuk kapal perang RI Rajawali. Sadurungnyané, dané dados kaptén sané kasub nelusup ring prajurit segara Belandané ngalinggihin kapal The Outlaw. Daweg punika, BBC nyengguh ragané the black speed boat tur pers duranegara nyambat dané the great smuggler.

Dawegé Alit[uah | uah wit]

Jahja Daniel Dharma mawasta John Lie Tjeng Tjoan daweg dané alit. Embas dados oka kaping kalih saking kutus sameton pinaka sanak Lie Kae Tae lan Oei Tseng Nie. Ajin dané, Lie Kae Tae, nuwénang perusahaan pangangkut Vetol (Veem en Transportonderneming Lie Kae Tae) sané kasub sadurung Perang Dunia II laut kararianang sasampun dané padem duk warsa 1957.

Saking yusa alit, tresnan dané kapining jalajagat meled pisan. Kapertama, danjala ngamolihang paplajahan ring Hollands Chinese School (HCS) laut ngalanturang ring Christelijke Lagere School. Kahyun dané manados juru layar sayan nincap. Nika mawinan ring yusa 17 dané matilar saking manado nuju Batavia (Jakarta mangkin). Irika dané nyarengin kursus navigasi tur kadadosang Klerk Muallim III ring KPM (Koninklijk Paketvaart Mattschappij), silih sinunggih perusahaan palayaran Belanda. Sasampun makudang-kudang kala magentos kapal, dané matugas ring MV Tosari sané ring Februari 1942 makta dané ring Pangkalan AL Inggris ring Koramshar, Iran. Daweg punika, Perang Dunia II sedek amuncak. MV Tosari kadadosang kapal logistik panyokong bala wadwa Sekutu. Sami angga kapal MV Tosariné, taler John Lie, kaicén pelatihan militér.[1]

Pustaka[uah | uah wit]

  1. Ensiklopedia Pahlawan Nasional. Kuncoro Hadi & Sustianingsih. Istana Media, Yogyakarta, 2015.