I Gusti Ketut Pudja

Saking Wikipédia
Cebur nuju navigasi Cebur nuju parerehan

I Gusti Ketut Pudja inggih punika silih tunggil pahlawan nasional Indonésia. Dané embas ring Singaraja tanggal 19 Méi 1908 tur lebar tanggal 4 Méi 1977. I Gusti Ketut Pudja wantah oka saking I Gusti Nyoman Raka miwah Jero Ratna Kusuma. Ring warsa 1934, dané muputang kuliahnyané ring Rechtshoogeschool ring Batavia. Ring warsa 1935, dané makarya ring Kantor Residen Bali miwah Lombok. Malih awarsa, I Gusti Ketut Pudja kagenahang ring Raad Van Kerta, sané ri tatkala punika pinaka kantor pengadilan sané wénten ring Bali.[1]

Jasa Perjuangan[uah | uah wit]

I Gusti Ketut Pudja ngamiletin perumusan negara Indonésia ring Panitia Persiapan Kemerdekaan Indonésia ngangganin Sunda Kecil (mangkin Bali miwah Nusa Tenggara). I Gusti Ketut Pudja taler ngamiletin perumusan naskah teks proklamasi ring pondok Laksamana Maeda. Lantas dané kaangkat olih Soekarno dados Gubernur Sunda Kecil. Ring warsa 2011, I Gusti Ketut Pudja kadadosang pahlawan nasional olih Pemerintah Républik Indonésia. Santukan jasannyané, ring tanggal 19 Désember 2016, Pemerintah Républik Indonésia, mengabadikan I Gusti Ketut Pudja ring pecahan jinah logam rupiah anyar, pecahan Rp. 1.000,-.[2]

Pustaka[uah | uah wit]

  1. "Biografi I Gusti Ketut Pudja". Dinas Kebudayaan (ring Inggris). Kaakses 2021-03-06.
  2. ZRF, Angga Aliya. "Rupiah Désain Baru Terbit Hari Ini". detikfinance (ring Indonesia). Kaakses 2021-03-06.