Manado

Saking Wikipédia
Loncat ke navigasi Loncat ke pencarian
Lukisan Manado ring warsa 1876

Kawit kawéntenan Kota Manado manut ring satwa sané ketah mawit saking "Wanua Wenang" parinama majeng ring parajana wit Minahasa. Wanua Wenang sampun wénten ngawit duk abad XIII lan kawiwitin olih Ruru Ares sané mapuspata Dotulolong Lasut sané duké punika kaadegang pinaka manggala Walak Ares, sané ketah pinaka pangwiwit Wanua Wenang sané jenek rauhing pratisantanannyané.

Wénten taler sané maosang Kota Manado mawit saking panglimbakan panegara sané mapeséngan Pagidon. Kota Manado katarka sampun kauningin duk abad XVI. Manut ring kawéntenan sejarah, ring warsané punika taler Kota Manado sampun karawuhin olih parajana saking dura negara. Parinama "Manado" ring kawéntenan parajanané ngawit kawigunayang ring warsa 1623 ngentosin parinama "Pogidon" utawi "Wenang". Kruna Manado punika wantah silih tunggil parinama gili sané wénten ring sisi gili(pulau) Bunakén, kruna puniki mawit saking basa Minahasa inggih punika kruna Mana rou utawi Mana dou, sané ring basa Indonésia maartos"ring pagenahan sané doh. Taler ring warsa punika, jagat Minahasa-Manado ngawit kauningin saha kaloktah ring pantaraning parajana ring panegara Eropa antuk pikolih saking pertiwinyané.

Pustaka[uah | uah wit]