Tipat Cantok
 Tipat Cantok | |
| Tipé | tipat |
|---|---|
| Mawit saking | Indonesia |
| Wawengkon utawi wewidangan | Bali |
| Suhu penyajian | dingin |
| Lakaran utama | tipat, jukut, basa kacang |
Tipat Cantok inggih punika ajeng-ajengan saking Bali sane kakaryanin antuk tipat lan jukut. Soroh jukut sane lumrah kaanggen minakadi kangkung, utik-utik, buah kacang, bayem lan timun. Basa sane kaanggen ngadukin inggih punika basa kacang. Basa kacang puniki malakar antuk kacang tanah magoreng, kesuna, tabya lan uyah sane kaulig di penyantokane tur kadagingin lemo. Tipat lan soroh jukut sane sampun kaengseb lantas kaadukang sareng basa kacang ring penyantokane. Punika mawinan mawasta tipat cantok.[1][2]
- ↑ "Tipat Cantok, Makanan Khas Bali yang Dijual Mulai Rp 5 Ribuan". suara.com (ring Indonesia). 2022-01-09. Kaaksés 2022-09-12.
- ↑ Times, I. D. N.; Feliza, Aninda Putri. "Tipat Cantok Olahan Ketupat khas Bali, Ide Sarapan Sehat!". IDN Times (ring Indonesia). Kaaksés 2022-09-12.