Madé Taro

Saking Wikipédia
Loncat ke navigasi Loncat ke pencarian
Madé Taro
EmbasMadé Nésa[1]
(1939-04-16) April 16, 1939 (age 81)
Désa Sengkidu, Karangasem, Bali
MabangsaIndonésia
Katawangpangawi sastra Bali
Rerama
  • Ketut Mangku (Ajik)
  • Ketut Mangku (Biang)
PangormatanPenghargaan Sastra Rancage (2005)
Anugrah Maestro Kebudayaan Republik Indonesia (2009)

Madé Taro (embas ring Désa Sengkidu, Manggis, Karangasem, 16 April 1939; yusa 81) inggih punika silih sinunggil sastrawan utawi pangawi sastra Bali, Dané purna Guru SMA Negeri II Dénpasar miwah dados sastrawan sane aktif nyurat kakawian indik anak alit. Dané madue sanggar mawasta Sanggar Kukuruyuk sane ngajakin anak-anak Bali ngajegang plalian tradisional. Dané sampun nyurat 35 judul buku.[2]

Ngawit nyurat puisi lan cerpén Indonésia daweg ngranjing ring SGB Gianyar (1953). Puisi miwah satua cutet punika akéh sané kamuat ring koran-koran Jakarta luiré Suluh Indonésia, Berita Minggu, Sinar Harapan. Talér kamuat ring koran-koran sané terbit ring Bali luiré Suara Indonésia, Angkatan Bersenjata, lan Bali Post.

Ngawit pinanggal 15 Juni 1979, dané ngwangun Sanggar Kukuruyuk, genah alit-alité malajah maplalian, magending, masatua, ngwacén puisi, miwah matéater. Ngenénin plalian, gending miwah satua, dané sampun ngamedalang buku (cakepan) akehnyané lintang ring limolas (15). Cakepan-cakepan punika wénten sané kamedalang ring Bali, taler wénten ring Jakarta miwah Yogyakarta.[3]

Cakepan puisin dané sané mamurda Bébék Punyah kapupulang saking puisi-puisi dané sané maanggé rarikrikan ring Sanggar Kukuruyuk, taler wénten sané sampun kamuat ring média cétak Canang Sari, Buratwangi, Bali Post, miwah Bali Aga.[4]

Pendidikan[uah | uah wit]

  • Sekolah Rakyat ring kabupatén Karangasem
  • Sekolah Guru Bawah (SGB) ring kabupatén Gianyar
  • Sekolah Guru Atas (SGA) ring kabupatén Buléléng
  • Jurusan Arkéologi ring Univérsitas Udayana, Dénpasar[1]

Sesuratan[uah | uah wit]

  • Ibu Jari untuk Sang Guru (1973)[1]
  • Mari Bermain (1993)
  • Bernyanyi Sambil Bermain (1999)
  • Bunga Rampai Permainan Tradisional Bali (1999)
  • Aliihh.. Traditional Balinese Games (Basa Inggris, 1999)
  • Randu dan Sahabatnya (2002)
  • Cerita Rakyat dari Bali 3 (2003)
  • Dongeng-dongeng Kharmaphala (2006)
  • Dongeng Sepanjang Abad (2007)
  • Kisah Orang-orang Dungu (2008)
  • Bébék Punyah (pupulan puisi)
  • Dari Goak Maling Taruh Sampai Goak Maling Pitik
  • Dari Ngejuk Capung Sampai Ngejuk Lindung
  • Mengapa Manusia Tidak Melihat Dewa?
  • Mendongeng Lima Menit
  • Kisah-kisah Tantri

Penghargaan[uah | uah wit]

Piagam penghargaan sané sampun kapaica luiripun:

  • Guru Teladan saking Gubernur Bali
  • Seni Kerti Budaya saking Bupati Badung
  • Bali Award (vérsi tabloid Bali Aga) saking Gubernur Bali (2001)
  • Adikarya saking lKAPI Jakarta
  • Anugerah Permata (versi Permata Bank) saking Gubernur Bali (2003)
  • Penghargaan Sastra Rancage (2005)
  • Hindu Books and Readers Community (2006)
  • Widya Pataka (2007)
  • K. Nadha Nugraha (2008)
  • Anugrah Maestro Kebudayaan Republik Indonesia (2009)
  • Penghargaan Lifetime Achievement saking Ubud Writers & Readers Festival 2019[5]

Pustaka[uah | uah wit]

  1. 1,0 1,1 1,2 I Gedé Gita Purnama Arsa Putra. "SEMINAR BAHASA DAN LOKAKARYA LEMBAGA ADAT Madé Taro, Mpu Satua Miwah Maplalianan ring Bali". docplayer.info. Retrieved 2020-08-29.
  2. Dinas Kebudayaan Provinsi Bali. Bibliografi Sastrawan Bali. Denpasar, 2009.
  3. "Menyimak Made Taro, Maestro Dongeng Anak Bali". kumparan (in Indonesia). Retrieved 2020-04-16.
  4. "Profil Madé Taro". suarasakingbali.com. April 2019. Retrieved 3 November 2019.
  5. "Made Taro Terima Penghargaan Lifetime Achievement dari Ubud Writers & Readers Festival 2019". Tribun Bali (in Indonesia). Retrieved 2020-04-16.