I Gedé Gita Purnama Arsa Putra

Saking Wikipédia
Cebur nuju navigasi Cebur nuju parerehan
I Gedé Gita Purnama Arsa Putra
Embas29 Oktober 1985
Kota Dénpasar, Bali
MabangsaIndonésia
Wastan liyananGita Purnama
PakaryanDosen Sastra Bali, Universitas Udayana
Kauninginpangawi sastra Bali

I Gedé Gita Purnama Arsa Putra utawi Gita Purnama (aksara Bali: gitapuŕnama, embas ring Kota Dénpasar, 29 Oktober 1985;yusa 36) inggih punika silih tunggil pangawi sastra Bali. Ida embas ri tatkala rahina purnama, nika mawinan kaki idané ngwastanin ida Purnama mangda kahuripan ida satata galang. Ida sesai kapanggil antuk wastan Bayu, Bayu punika wastan sané kaicénin olih bidan sané ngwantu ri tatkala ida lekad.

Warsa 2008, muputang sarjana ring program Bahasa miwah Sastra Bali Universitas Udayana, raris nglanturang pascasarjana ring Konséntrasi Wacana Sastra, Linguistik Univérsitas Udayana. Sadurungnyané makarya dados dosén ring IHDN Dénpasar, mangkin makarya dados dosén ring Udayana. Oneng nyurat puisi, satua cutet miwah ésai ngawit saking SMP. Kakawianné kawedar ring Bali Orti (Bali Post), Bali Post, miwah Médiaswari (Pos Bali).

Gita Purnama dados pamipil ring cakepan pupulan puisi “Déndang Dénpasar Nyiur Sanur”, pupulan puisi “Dénpasar miwah Donpasar”, miwah pupulan puisi “Angripta Rum”. Cakepan sané sampun kamedalang inggih punika pupulan satua cutet sareng istrinnyané sané mamurda “Smara Réka” warsa 2014. Lianan ring punika dané taler dados silih tunggil tim penulis Biografi I Wayan Beratha, Seniman Bali sané dampun kaloktah ring dura negara. Ring warsa 2016, dané ngamolihang hadiah Sastra Rancagé antuk jasanyané ring panglimbak Sastra Bali Modéren.[1]

Pendidikan[uah | uah wit]

Ida ngranjing ring:

Sesuratan[uah | uah wit]

Ida aktif ring gumi sastra saking SD, ida naenin ngamiletin lomba puisi tur ngamolihang jayanti. Ritatkala SMP, ida naenin ngripta puisi sané mamurda "Tilem", santukan puisi punika ida kapanggil antuk wastan tilem. Sasampuné tamat SMA, ida nglanturang ring Jurusan Sastra Daérah Bali Univérsitas Udayana. Ritatkala kuliah, ida aktif pesan ngamiletin kegiatan organisasi ring kampus minakadi pinaka koordinator bidang humas, ketua himpunan mahasiswa Jurusan Sastra Daérah Bali, miwah Sékrétaris Badan Perwakilan Mahasiswa Fakultas Sastra Udayana. Tiosan punika, ida naenin makarya dados wartawan ring majalah miwah koran lokal. Sasampuné tamat S1, ida nglanturang pascasarjana ring Program Studi Linguistik Konsentrasi Wacana Sastra ring warsa 2009. Salanturnyané, ida makarya dados dosén ring Institut Hindu Dharma Negeri ring warsa 2012. Ida aktif ngajegang basa, aksara miwah sastra Bali. Nika mawinan ida ngaryanin organisasi Aliansi Peduli Bahasa Bali tur ngawedar 1000 Penyuluh Bahasa Bali ring warsa 2015. Ida ngripta karya sastra modérn minakadi satua cutet tur naenin ngawedar buku mamurda "Smara Réka". Ring warsa 2016, Ida ngamolihang Sastra Rancage ring bidang pengembangan miwah pelestarian sastra miwah budaya.[2]

  • Tilem, puisi
  • Ngalih Sampi Galang Bulan, satua cutet saking cakepan “Smara Réka”.
  • Biografi I Wayan Bratha, Seniman Bali

Pustaka[uah | uah wit]

  1. "Profil I Gedé Gita Purnama ring majalah Suara Saking Bali". suarasakingbali.com. April 2016. Kaakses 5 Pébruari 2020.
  2. "I GEDE GITA PURNAMA: Perjalanan Menuju Pengabdian kepada Ibu Bahasa Bali". www.an1mage.org. Séptémber 2017. Kaakses 28 Januari 2020.