I Wayan Beratha
| I Wayan Beratha | |
|---|---|
| Embas | 1926 Banjar Belaluan, Kota Dénpasar, Bali |
| Séda | 10 Méi 2014 Kota Dénpasar, Bali |
| Mabangsa | Indonésia |
| Kauningin | komposer musik Bali |
I Wayan Beratha (embas ring Banjar Belaluan, Kota Dénpasar, Bali, 31 Désémber 1926 – seda ring Kota Dénpasar, Bali, 10 Méi 2014 ring yusa 87) inggih punika silih tunggil komposer Bali sané embas ring warsa 1926 ring Banjar Belaluan, Kota Denpasar, Bali. Pekakne, I Ketut Keneng (1841-1926) inggih punika seniman karawitan miwah pagambuhan sané sampun kasohor ring masané. Bapane, I Madé Regong masih demen ngajahin dané musik Bali, sareng Ida Bagus Boda saking Kaliungu sané ngajahin karawitan miwah Tari Palegongan, I Nyoman Kalér sané ngajahin tari klasik miwah Gong Kebyar, miwah I Madé Grebeg sané ngajahin Tari Jauk.[1]
Warsa 1956, Wayan Beratha ngmanggala tim kesenian Bali pentas tigang sasih ring Tiongkok. Pentas niki kasaksiang manggala Tiongkok Mao Tse-tung miwah Presiden Sukarno. Ring galah 1956-1999, ipun sareng tim keseniannyane ka dura negara nganti 100 pisan, ngunjungin luwih saking 35 negara.[2]
Ring warsa 1957, Dané ngawedharang Sekaa Gong Sad Merta ring Banjar Belaluan. Dané masih aktip ngajar tari miwah tabuh ring sajeroning sekaa gong ring Bali; ring Kerambitan, Tabanan, Banjar Delodpeken, Singaraja, Banjar Pikat Klungkung, miwah liyanan.[3]
ipun sampun ngaryanang kirang langkung 20 karya tari, gending, miwah sendratari, riantarane; Sendratari “Jayaprana”, Tabuh “Gesuri”, Sendratari “Ramayana”, Sendratari “Maya Denawa”, Instrumentalia “Palgunawarsa”, sane ngmolihang jayanti pinih tegeh ring festival gong kebyar Bali, Tari “Panyembrana” miwah sane lianan.[1]
- Empu Seni Karawitan pertama saking Institut Seni Indonésia (ISI) Denpasar (2012)
- Anugerah Seni Nasional dari Menteri Pendidikan dan Kebudayaan RI (1972)
- Piagam Kerti Budaya (1979)
- Dharma Kusuma dari Gubernur Bali (1981)
- Penghargaan Ciwa Nataraja dari ISI Denpasar (1992).
- ↑ 1,0 1,1 "Mengenang Wayan Beratha, Maestro Gamelan Bali Multitalenta". kumparan (ring Indonesia). Kaaksés 2023-02-28.
- ↑ "Biografi I Wayan Beratha, Seniman Bali Kelas Dunia Diluncurkan". Bisnis.com (ring Indonesia). 2014-12-22. Kaaksés 2023-02-28.
- ↑ "Cerita dan Karya Maestro I Wayan Beratha". 28 April 2019. Kaarsipin saking versi asli tanggal 20 February 2020. Kaaksés 20 Pébruari 2020.
- “I Wayan Beratha: Seniman Bali Kelas Dunia”, Prof. Dr. I Nyoman Darma Putra, M.Litt
| Téori | 
 | ||||||
|---|---|---|---|---|---|---|---|
| Soroh |
| ||||||
| Seniman | |||||||
| Instrumen | |||||||
