I Dewa Gedé Windhu Sancaya
| I Dewa Gedé Windhu Sancaya | |
|---|---|
| Embas | 27 Oktober 1960 Tabanan, Bali |
| Mabangsa | Indonésia |
| Pakaryan | dosen sastra Bali Univérsitas Udayana |
| Kauningin | pangawi sastra Bali |
I Dewa Gedé Windhu Sancaya (embas ring Tabanan, 27 Oktober 1960;yusa 63) inggih punika silih tunggil pangawi Bali. Ida magenah ring Dénpasar saking warsa 1960. Ida kantun masekolah ring SMP Negeri 1 Dénpasar sampun seneng masesuratan. Sasuratandané marupa karya sastra sané kaunggahang ring majalah dinding sekolah. Kasenengan nyurat sastra miwah main drama modéren nglantur kantos masekolah ring SMAN 1 Dénpasar miwah ri kala dados mahasiswa Fakultas Sastra Univérsitas Udayana Jurusan Basa miwah Sastra Bali warsa 1980-an. Polih taler masikian sareng Téater Poliklinik pimpinan Abu Bakar, Téater Kampus Unud miwah ngaryanin Club Studi Téater Fakultas Sastra Unud sané ngwéntenang pementasan drama Di Bawah Bulan keliling Bali miwah Lombok warsa 1983. Siosan ring nyurat sastra Bali anyar, Windhu Sancaya taler nyurat sastra Indonésia modérn, marupa puisi, cerpén miwah drama, miwah esai.[1]
Sesuratan[uah | uah wit]
Kakawiandané naanin kawedar ring surat kabar Bali Post, Nusa Tenggara (Nusa Bali), Simponi, Kompas, Cintamani, Warta Hindu Dharma, Orti Bali, miwah sané tiosan. Naenin polih juara ngaryanin satua cutet, drama, miwah puisi, sané keselenggaraang olih Pémda Bali, Listibiya Bali miwah Univérsitas Udayana. Ring warsa 1980-an dané sering nagingin acara drama ring TVRI Dénpasar. Taler naenin polih juara penulisan artikel Pésta Kesenian Bali warsa 2000. Naenin taler dados aktor miwah sutradara drama terbaik Porseni Mahasiswa Unud warsa 1981. Silih sinunggil satua cutet dané sané mamurda Dark Sky over the Village sareng kapupulang ring pupulan satua bawak mabasa Inggris: Bali Behin the Seen. Kakawiandané sané mabasa Bali kapupulang ring kembang rampé sastra Bali, sekadi Puyung (1981), Ngayah (1982), AI (1983), Gending Pangapti (1984), Crakian (1996). Saking warsa 1986, dané dados dosén ring Jurusan Sastra Bali Fakultas Sastra Univérsitas Udayana rauh mangkin.[1]
Pangargan[uah | uah wit]
- 2004 - Penghargaan Sastra Rancage, antuk karyané sané mamurda "Coffee Shop" (Warung Kopi), 2003.
Pustaka[uah | uah wit]
- ↑ 1,0 1,1 Bali. "I Dewa Gedé Windhu Sancaya". Suara Saking Bali. Kaaksés 2021-10-26.