Abu Bakar
| Abu Bakar | |
|---|---|
| Embas | 1944 Kediri, Tabanan, Bali |
| Mabangsa | Indonésia |
| Kauningin | pangawi sastra Bali |
| Kurenan | Injil Abu Bakar Ossyris Abu Bakar |
Abu Bakar (embas ring Kediri, 1 Januari 1944;yusa 80) inggih punika silih tunggil pangawi Bali sané sampun kasub ring jagat sastrané. Ida dados dramawan miwah tokoh teater Ajinnyané mawit saking Jawi miwah ibunnyané mawit saking Bali. Ida ngawitin ngranjing ring sekolah dasar sané magenah ring Kediri, Tabanan, sakéwanten muputang masekolah dasar ring Debong Tengah, Tegal, Jawa Tengah. Raris nglanturang ngranjing ka SMP ring Tegal, Jawa Tengah. SMA raris kalanturang ring Semarang, sakéwanten puput ring Kalimantan. Sasampunné muputang SMA, Ida mawali malih ka Dénpasar nglanturang ngranjing ring Perguruan Tinggi Jurusan Sosial Politik ring Universitas Mahéndradata. Sakéwanten durung prasida kapuputang, Ida nénten malih nglanturang ngranjing ring Perguruan Tinggi. Abu Bakar marabian duk warsa 1975 sareng Ramini, raris madué sentana istri kakalih, dr. Injil Abu Bakar miwah dr. Ossyris Abu Bakar.[1] Abu Bakar kabaos pengawi sané serba bisa yadiastun makehan kakawiandané marupa carita cendet utawi cerpen. Kakawian cerpen dané kabaos tegas, fantastis, nadanyané madaging kritik.[2]
Abu Bakar ngawitin mlajah masastra wantah sangkaning antuk seneng kémanten, ngraris mlajah ngraga taler saking ngwacén cakepan indik sastra. Indik kawéntenan Abu Bakar ring jagat sastra ring Bali miwah Indonésia sampun nénten malih kasangsayain, punika mawinan Ida akéh pisan sampun ngamolihang penghargaan saking makudang-kudang lomba utawi pacentokan. Minakadi:
- Juara I Lomba Cipta Naskah Drama Modern se-Bali sané kamargiang Senat Fakultas Sastra Universitas Udayana (1984)
- Juara I Penulisan Naskah Sinetron sané kamargiang olih PWI (1993)
- Juara II Lomba Ésai Chairil Anwar
Ring widang sastra, sajabaning kawedar ring makudang-kudang koran, kakawiannyané taler kawedar ring "Tuhanku Kupu-kupu", "Amerika di Luar Jendela" miwah "Kunang-Kunang". Dané taler nyurat naskah monolog sané mamurda "Wanita Batu" (2006) miwah drama televisi "Komedi Hitam", "Bali Menangis" (2004), miwah sané lianan.
Lianan ring sastra, dané taler seneng ring téater miwah fotografi. Wénten akéh naskah drama sané sampun kapentasang miwah kaarahin olih dané. Dané sampun ngrauhin makudang-kudang panegara antuk pikobet seni, minakadi Prancis miwah Amérika Serikat. Ring Amerika, Ida nyobyahang pikolih kolaborasinyané sareng seniman Ikranegara marupa pertunjukan teater "Berani-beraninya Menunggu Godot" (1990). Dané taler nyutradarai pementasan "Kereta Kencana" miwah "Indonesia Luka" (makakalih ring warsa 2012) miwah "Malam Jahanam" (2013).
Ida tasih aktip dados pangadeg miwah pamucuk ring "Téater Poliklinik" sareng "Teater Bumi", sane ring warsa 1983, sareng Téater Kampus Unud ngaryanin Club Studi Téater Fakultas Sastra Unud sané ngwentenang pementasan drama "Di Bawah Bulan" keliling Bali lan Lombok.[3]
| No. | Wastan Pangargan | kapolihang ring Warsa | Pinaka |
|---|---|---|---|
| 1 | Pengargan Saking Provinsi Daérah Tingkat 1 Bali
Kabupatén Daérah Tingkat I Badung |
1976 | pamilet ring Festival Drama Nasional Tingkat SLTP/SLTA |
| 2 | Anugrah Kebudayaan Media Masa dan Iklan | 2006 | Majeng ring cerpennyane sané mamurda Tonya |
Sasuratan sastra sané sampun kamedalang inggih punika:
| No. | Judul Kakawian | Warsa | marupa |
|---|---|---|---|
| 1 | Tuhanku Kupu-kupu | Pupulan Cerpen | |
| 2 | Matinya Orang Kaya | 2006 | Cerpen sané munggah ring Bali Post, 7 Méi 2006 |
| 3 | Tonya | 2006 | Cerpen sané munggah ring Bali Post 5 Pébruari 2006 |
| 4 | Lukamu Dukamu | 1993 | Sinetron |
| 5 | Wanita Pasir | 2005 | Sinetron |
| 6 | Wanita Batu | 2006 | Monolog/drama |
| 7 | Bali Menangis | 2004 | Skenario film/Sinetron |
| 8 | Menunggu | 1985 | Monolog |
| 9 | Surat Cinta | Pupulan Cerpen | |
| 10 | Senja di Pelabuhan Kecil | 2005 | Skenario Film |
Abu Bakar sadina-dina tiosan ring masasusatan taler ngurukang téater ring alit-alit sané seneng téater, punika mawinan ring pakubon, dané makarya genah péntas téater. Genahé puniki sané dados kalangan ri kala alit-alité pacang nyolahang lampahan téater. Dané taler aktip dados pangawi tetep ring kolom esai "English Corner" romh Bali Post, kalanturang antuk "Kaki lima" taler ring Bali Post, taler "Grasa Grusu ring Koran Bali.
- ↑ Dinas Kebudayaan Provinsi Bali. Bibliografi Sastrawan Bali. Denpasar, 2009
- ↑ Penulis, Tim (2009). Bibliografi Sastrawan Bali. Bali: Dinas Kebudayaan Provinsi Bali. p. 1. ISBN 9786029554847.
- ↑ Bali. "I Dewa Gedé Windhu Sancaya". Suara Saking Bali. Kaaksés 2024-11-09.
