SMA Negeri 1 Dénpasar
| SMA Negeri 1 Dénpasar ,ᵒes·ᵒem·ᵒa,nĕgĕri,1,denpasaŕ | |
|---|---|
 | |
| Informasi | |
| Aran latin | SMA Negeri 1 Denpasar |
| Kaadegang | 8 Agustus 1960 |
| Soroh | Sekolah Menengah Atas Negeri |
| Akréditasi | A |
| Nomor Pokok Sekolah Nasional | 50103127 |
| Manggala Sekolah | Madé Rida, M.Pd.[1] |
| Jurusan utawi paminatan | IPA miwah IPS |
| Pentang kelas | X, XI IPA, XII IPA, X Akselerasi, XI IPS, XII IPS |
| Kurikulum | Kurikulum Tingkat Satuan Pendidikan |
| Status | Negeri |
| Alamat | |
 | |
| Genah | Jl. Kamboja No. 4, Kota Dénpasar, Indonésia |
| Tel./Faks. | (0361) 222044 |
| Situs wéb | sman1dps |
| Moto | |
| Moto | Karmany Eva Dhikaraste Maphalesu Kadacana |
SMA Negeri (SMAN) 1 Dénpasar, silih tunggil Sekolah Menengah Atas Negeri sané magenah ring désa Dangin Puri Kangin, Kecamatan Dénpasar Utara, Kota Dénpasar, Propinsi Bali, Indonésia.[2] Sekadi SMA ketah nyané ring Indonésia masa pandidikan sekolah ring SMAN 1 Dénpasar kamargiang ring tiga warsa pelajaran, kakawitin saking Kelas X ngantos Kelas XII. SMA Negeri 1 Dénpasar sadurungné manados Sekolah Bertaraf Internasional (SBI) sadurung makasami status punika kaapus sacara nasional ring warsa 2013-2014.[3] Sekolah puniki dados SMA pinih wayah ring Dénpasar taler kaping kalih ring Bali sesampun SMA Negeri 1 Singaraja.
Lelintihan[uah | uah wit]
SMA Negeri 1 Dénpasar ring pamahbah nyané maaran SMA Negeri Dénpasar mawinan ring aab punika wawu wénten SMA Negeri ring Dénpasar (SMA kaping kalih ring Bali sesampun SMA Negeri Singaraja). SMA Negeri 1 Dénpasar wawu kabuka ring tanggal 1 Agustus 1960 miwah karesmiyang tanggal 8 Agustus 1960 olih Bapak Mantri P miwah K antuk Surat Keputusan Nomor:967/SK/III/65, tanggal 17 Juli 1965 antuk Manggala Sekolah I Madé Sastra Inggas miwah Wakil nyané Ida Bagus Astawa. Tanggal 8 Agustus puniki selantur nyané katetapang dados rahina pangadegan SMA Negeri Denpasar (mangkin SMA Negeri 1 Denpasar). Ring pamahbah nyané kabuka nyané SMA Negeri Dénpasar sadurungné durung wénten gedung, asapunika kantun nyelang genah ring SGB Negeri Dénpasar. Ring pangawit pangoperasiaan nyané ngabuka tigang jurusan punika jurusan A, B miwah C. Mawinan gedung SGB Negeri Dénpasar ring tanggal 5 Oktober 1960 puun kabakar, asapunika sauntara genah melajah siswa SMA Negeri Dénpasar kagingsirang nuji SMP Negeri Dénpasar asapunika tata utsaha nyané nyelang genah Yayasan Pantiyasa.
Selanturnyané kriyasareng POMG SMA Negeri Denpasar miwah wantuan saking pameréntah (Bapokda Bali), kaprasida numbas papat genah melajah saking Yayasan Pantiyasa. Selantur nyané warsa ajahan 1964/1965 SMA Negeri Denpasar kadadosang kalih punika SMA 1 Dénpasar miwah SMA 2 Dénpasar, daweg sesampun G30S/PKI, SMA 2 Dénpasar kagingsirang nuju Wangaya magenahin gedung cungkai-cungkai asapunika gedung Pantiyasa sajangkep nyané kagenahin olih SMA 1 Denpasar ngantos mangkin. Ring warsa ajahan 1996/1997 ngawit kaadegang kelas unggul akéh nyané 1 kelas miwah warsa ajahan 1997/1998 kaadegang kelas unggul akéh nyané 3 kelas miwah wawu saking warsa ajahan 1998/1999 SMA 1 Dénpasar kadadosang sekolah unggulan, miwah ngamargiang kurikulum KBK sacara kawates warsa 2002/2003 miwah KTSP saking warsa 2007/2008.[4]
Ring pakembangan nyané SMA Negeri 1 Dénpasar polih dados Rintisan Sekolah Bertaraf Internasional (SBI) saking 2005/2006 antuk ngabuka asiki kelas miwah ring warsa 2007/2008 makasami kelas X manados kelas SBI.[4]
Motto sekolah puniki "KARMANY EVA DHIKARASTE MAPHALESU KADACANA” artos nyané "makarya dumunan manut sareng swadharma tan panyingakin asil".[4]
Genah[uah | uah wit]
SMA Negeri 1 Denpasar pinaka satunggil saking 8 SMA Negeri sané wénten ring Dénpasar, ring dija SMA Negeri 1 Denpasar dados SMA pinih wayah ring Dénpasar. SMA Negeri 1 Denpasar magenah ring Jalan Kamboja Dénpasar, manados satunggal kompléks sareng Yayasan Saraswati miwah Yayasan Dwijendra. SMA Negeri 1 Denpasar kaadegang ring tanah jimbar nyané ± 16.219 m2 antuk jimbar wangunan 8.610 m2, lapangan 3.280 m2, taler kebun 6.843 m2.[4]
Fasilitas[uah | uah wit]
Makudang fasilitas sané wénten ring SMAN 1 Dénpasar antuk ngawantuk parilaksana papelajahan. Fasilitas punika riantara ipun:
- Kelas
- Kapustakaan
- Laboratorium Biologi
- Laboratorium Fisika
- Laboratorium Kimia
- Laboratorium Komputer
- Laboratorium Basa
Pustaka[uah | uah wit]
- ↑ Admin (2020-08-09). "60 Tahun SMAN 1 Denpasar, Perayaan Dilakukan Sederhana dengan Prokes Ketat". BALIPOST.com (ring Indonesia). Kaaksés 2021-04-01.
- ↑ "Data Referensi Pendidikan". referensi.data.kemdikbud.go.id. Kaaksés 2021-04-01.
- ↑ RSBI pasca putusan MK (PDF), Déwan Perwakilan Rakyat Républik Indonésia, kaarsipin saking versi asli (PDF) tanggal 2021-09-02, kaaksés 2 Séptémber 2021
- ↑ 4,0 4,1 4,2 4,3 Selayang Pandang SMAN 1 Denpasar, SMA Negeri 1 Denpasar, kaaksés 2 Séptémber 2021
.svg){kind=logo}
