Pura Mangening
 | |
|---|---|
 Beji ring Pura Mangening | |
 | |
| Inpormasi umum | |
| Pakem Undagi | Candi Hindu |
| Genah | Sarasada, Désa Tampaksiring, Kabupatén Gianyar |
| Negara |  Indonésia |
| Puput | 1022 M |
| Aran resmi | Lanskap kultur Propinsi Bali:Sistem subak dados perwujudan saking filosofi Tri Hita Karana |
| Soroh | Budaya |
| Kritéria | ii, iii, v, vi |
| Kaadegang | 2012 (sesi ka-36) |
| Pustaka no. | 1194 |
| Negara | Indonésia |
| Wewengkon | Asia-Pasifik |
Pura Mangening utawi Candi Mangening magenah ring Banjar Sarasada, Désa Tampaksiring, Kabupatén Gianyar. Candi punika situs kuna paninggalan pemerentahan Raja Marakata warsa 1022 Masehi. Kapertama katemu olih W.F. Sutterheim ring 1925 – 1927 menawi nenten kajelasan rinci, malih ring warsa 1960 Bernet Kempers nikayang kawéntenan kuil taler sisan-sisan wangunan ring bukit alit.
Kadasaring laporan, pengedukan miwah tetilikan kalaksanayang sané nemu Candi kantun becik rumasuk Lingga Yoni miwah kagenahang ring gedong suci. Genah punika kawéntenang ring lebah tukad Pakerisan sané meduwé toya akeh. Toya sané katampung ring kolam miwah ngelimbak saking Tukad Pakerisan, toya tukad punika keanggén antuk uma ring nampek ipun nganti subak ring Pejeng miwah Bedulu. Wangunan punika rumasuk status cagar budaya olih Pemprop Bali kadasaring UU No.5/1985.[1] miwah ring warsa 2012 kompleks Candi miwah Pura Mengening rumasuk ring wewengkon B Lanskap kultur Propinsi Bali.[2]
Ring Pura Mangening puniki wenten makudang kudang genah patirtan turmaning wenten tirta miwah kagunaannyane. Ring sor puniki wenten lisnyane.
| No | Wastan Tirtha | Kagunan |
|---|---|---|
| 1 | Tirtha Mengening | Déwa Yadnya |
| 2 | Tirtha Keris | Pasupati Keris |
| 3 | Tirtha Sudamala | Malukat |
| 4 | Tirtha Keben | Maadolan |
| 5 | Tirtha Gelung | Kawibawaan |
| 6 | Tirtha Tunggang | Sidakarya Ngabén |
| 7 | Tirtha Dedari | Kajegegan |
| 8 | Tirtha Melela | Kajegegan |
| 9 | Tirtha Pengentas | Pitra Yadnya |
| 10 | Tirtha Telaga Waja | Malukat |
| 11 | Tirtha Angsoka | Kajegegan |
| 12 | Pancoran solas | Bayuh Otonan |
- ↑ Pura Mangening, Disparda Kabupatén Gianyar, kaarsipin saking versi asli tanggal 2023-08-13, kaaksés 19 Agustus 2019
- ↑ UNESCO, "Cultural Landscape of Bali Province: the Subak System as a Manifestation of the Tri Hita Karana Philosophy", Inscribed Property