Kategori:WikiTirta

Bali pinaka pulo sané religius. Akéh kramané sané nganut agama Hindu utawi agama tirta sané ngangkenin toya pinaka elemen sané mabuat ring upacara agama miwah ring kauripan sadina-dina. Kawéntenan patirtan (genah ngambil toya suci miwah ngamargiang prosesi penyucian) dados mabuat pinaka sumber toya suci anggén nyangkepin kaperluan masyarakat ring kawigunannyané pinaka sarana upacara. Kegiatan WikiTirta puniki wantah aktivitas mendokumentasikan pengalaman ring Bali ring wangun gambar miwah metadata.

Patirtan dados silih tunggil genah sané mabuat ring krama Bali, utaminnyané umat Hindu. Sajabaning kaanggén genah ngambil toya suci pinaka sarana upacara, patirtan taler kaanggén ngamargiang prosesi nyuciang angga sekala miwah rohani. Patirtan kapercaya olih umat Hindu pinaka genah meleleh mala. Kagiatan puniki kawastanin malukat.

Kegiatan malukat inggih punika kegiatan sané sering kamargiang olih krama Bali miwah wisatawan sané malancaran ka Bali, sakéwanten informasi sané wénten ring internét marupa gambar, vidéo miwah metadata indik genah penglukatan, miwah tradisi malukat durung jangkep. Kegiatan WikiTirta dados utsaha komunitas antuk mendokumentasiang genah-genah mabaktin sané selanturnyané pacang ngicénin informasi sané luwih jangkep indik aktivitas mabaktin ring Bali.