Pura Taman Pecampuhan Sala
Pura Taman Pecampuhan Sala | |
---|---|
Pura Taman Pecampuhan Desa Adat Sala | |
Inpormasi umum | |
Tipe | Pura |
Pakem Undagi | Bali |
Genah | Abuan, Kecamatan Susut, Kabupatén Bangli |
Margi | Desa Adat Sala, Kabupaten Bangli, Bali 80661 |
Koordinat | 8°27′05″S 115°19′37″E / 8.451406°S 115.326825°EKoordinat: 8°27′05″S 115°19′37″E / 8.451406°S 115.326825°E |
Tegehne | 1,459 méter (4,787 ft) |
Pura Taman Pecampuhan Sala inggih punika silih tunggil genah malukat sané wénten ring Bali. Pura puniki magenah ring Désa Adat Sala, Abuan, Kecamatan Susut, Kabupatén Bangli. Ring genahé puniki wénten sakancan pancoran pinaka genah panglukatan sané kasuciang. Akéh sané percaya yéning pancoran puniki pingit tur prasida ngicalang sakancan panyungkan sekala miwah niskala. Ring sor genahé malukat wénten tukad sané pinaka campuhan.
Babad[uah | uah wit]
Manut baos Jro Mangku Pura Taman Pecampuhan Sala, nénten wénten sané pastika uning indik duk napi kawéntenan genahé puniki kawangun. Krama irika wantah uning genahé saking dumun. Puniki kabuktiang antuk sakancan tetamian sané wénten irika, makadi Batu Lingga sané kapracayain pinaka tetamian ring jaman kuna.